Քաղաքականություն
31.05.2022 | 12:35
Անկարայում Ֆրանսիայի ու Գերմանիայի դեսպանները կանչվել են Թուրքիայի ԱԳՆ՝ կապված այդ երկրներում PKK-ի՝ Քուրդիստանի աշխատավորական կուսակցության, աջակիցների ակցիաների հետ։ Այս մասին հայտարարել է Թուրքիայի ԱԳ նախարար Մևլութ Չավուշօղլուն «Անադոլու» գործակալության խմբագիրների հետ կլոր սեղանի ընթացքում։
Չավուշօղլուն նշել է, որ դիվանագետներին փոխանցվել է, որ «ահաբեկչական կազմակերպությունների գործողությունները չպետք է արհամարհվեն»։
Հիշեցնենք՝ Թուրքիան PKK-ն ճանաչում է որպես ահաբեկչական կազմակերպություն։
«Մենք դեսպաններին կանչեցինք նախարարություն (PKK-ի դրոշներով ցույցերի հետ կապված) և ցույց տվեցինք մեր արձագանքը։ Մենք խիստ զգուշացրել ենք, նաև դեսպաններին բողոքի նոտա հանձնել ահաբեկիչների ցույցերը թույլատրելու համար։ Մենք ասել ենք, որ դա չպետք է կրկնվի»,-ասել է Չավուշօղլուն։
Էմմա Չոբանյան
