18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ը և Թուրքիան քննարկել են Ուկրաինայում պատերազմը, իրավիճակը Սիրիայում, ՆԱՏՕ-ին Շվեդիայի և Ֆինլանդիայի անդամակցությունը
Քաղաքականություն
31.05.2022 | 13:10
ԱՄՆ նախագահի ազգային անվտանգության հարցերով խորհրդական Ջեյք Սալիվանը հեռախոսազրույց է ունեցել Թուրքիայի նախագահի մամուլի խոսնակ, գլխավոր խորհրդական Իբրահիմ Քալընի հետ։ Սպիտակ տան հաղորդագրության համաձայն՝ նրանք քննարկել են իրենց շարունակական աջակցությունն Ուկրաինային՝ ի դեմս Ռուսաստանի շարունակվող ագրեսիայի, ինչպես նաև իրենց ջանքերը համաշխարհային շուկաներ ուկրաինական գյուղատնտեսական ապրանքների արտահանման ուղղությամբ։
«Պարոն Սալիվանն իր աջակցությունն է հայտնել Թուրքիայի շարունակվող ուղիղ բանակցություններին Շվեդիայի և Ֆինլանդիայի հետ՝ ՆԱՏՕ-ին անդամակցելու իրենց դիմումների վերաբերյալ մտահոգությունները լուծելու համար, որոնց ԱՄՆ-ը վճռական կերպով աջակցում է։ Նա նաև կրկնել է Սիրիայում էսկալացիայից զերծ մնալու կարևորությունը՝ հրադադարի գործող գծերը պահպանելու և հետագա ցանկացած ապակայունացումից խուսափելու համար»,- ասվում է Սպիտակ տան հաղորդագրությունում։
Նշվում է, որ Սալիվանը նաև կոչ է արել շարունակել երկխոսությունն ու դիվանագիտությունը՝ լուծելու Արևելյան Միջերկրականում առկա ցանկացած տարաձայնություն։
Էմմա Չոբանյան
