16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լուգանսկում ֆրանսիացի լրագրող է սպանվել տարհանման մեքենայի գնդակոծության հետևանքով
Քաղաքականություն
30.05.2022 | 20:21
Ռուսական զորքերը Լուգանսկի շրջանում կրակել են տարհանման զրահամեքենայի վրա, ինչի հետևանքով ֆրանսիացի լրագրող է զոհվել, փոխանցում է BBC-ի ռուսական ծառայությունը։
«Լուգանսկի շրջանից տարհանումը պաշտոնապես դադարեցվել է, կրակել են մեքենայի վրա, որը պատրաստվում էր մարդկանց տանել, սպանվել է ֆրանսիացի լրագրող»,- ասել է Լուգանսկի շրջանային ռազմական վարչակազմի ղեկավար Սերգեյ Գայդայը։
Գայդայի խոսքով՝ ուկրաինական զրահապատ տարհանման մեքենան տարածաշրջանից պետք է 10 մարդու տարհաներ, սակայն հրետանային կրակի տակ է ընկել։
Արկի բեկորները խոցել են զրահապատ մեքենան, պարանոցի շրջանում մահացու վիրավորում է ստացել ֆրանսիացի լրագրող, որը տարհանման մասին նյութ էր պատրաստում։ Գայդայն իր թելեգրամյան ալիքում զոհված լրագրողի լուսանկարներն է հրապարակել։
Տաթև Ֆռանգյան
