19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Տարեց կին ձևանալով՝ երիտասարդը ներխուժել է Լուվր և տորթը շպրտել Մոնա Լիզայի կտավի վրա
Քաղաքականություն
30.05.2022 | 21:54
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Փարիզի Լուվրում հարձակում է իրականացվել Մոնա Լիզայի վրա՝ Լեոնարդո դա Վինչիի եզակի դիմանկարի, որը համարվում է Վերածննդի դարաշրջանի ամենանշանավոր գլուխգործոցներից մեկը: Հարձակվողին հաջողվել է շեղել պահակների զգոնությունը՝ տարեց կին ձևանալով և անվասայլակով թանգարան մտնելով, գրում է BBC-ի ռուսական ծառայությունը։
Հայտնվելով դիմանկարի առջև՝ ի զարմանս Լուվրի այցելուների ու աշխատակիցների, «ծեր կինը» ցատկել է անվասայլակից՝ ձեռքին պահելով նախօրոք պատրաստված տորթն ու այն նետել է նկարի վրա։
Կտավը, որը ստեղծվել է 16-րդ դարի սկզբին, չի տուժել, քանի որ վանդալների բազմաթիվ հարձակումների պատճառով այն երկար ժամանակ է՝ պաշտպանված է զրահակայուն ապակու հաստ շերտով, սակայն հարձակումը լուրջ սենսացիա է առաջացրել։
Տեսանյութում, որն արագորեն տարածվել է սոցիալական ցանցերում, երևում է, որ հարձակվողը՝ տարեց կնոջ հագուստով մի երիտասարդ, շարունակում է տորթը քսել ապակուն՝ նույնիսկ անվտանգության աշխատակիցների կողմից բռնվելուց հետո:
Ձերբակալությունից հետո տղամարդը հանել է կեղծամը և, դեպքի ականատեսների վկայությամբ, ֆրանսերեն ասել.
«Մտածեք Երկրի մասին, նկարիչները մտածում էին դրա մասին, բոլոր արվեստագետները մտածում են Երկրի մասին: Ահա թե ինչու ես դա արեցի։ Դուք էլ մտածեք Երկրի մասին»:
Տաթև Ֆռանգյան
