19.05.2026 | 12:15
Երևանում խուզարկություններ են // ՀՀ-ն տեղական արտադրության զենք է արտահանել․ ԼՈՒՐԵՐ
Թուրքիան ՆԱՏՕ-ի հետ բանակցություններում դիտարկում է Հյուսիսային Կիպրոսի ճանաչման հարցը բարձրացնելու հնարավորությունը. Express
Քաղաքականություն
30.05.2022 | 16:12
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Բրիտանական Express-ը հայտնում է, որ Թուրքիան դիտարկում է Հյուսիսային Կիպրոսի անկախության կարգավիճակը սեղանին դնելու հարցը՝ որպես ՆԱՏՕ-ին Շվեդիայի և Ֆինլանդիայի անդամակցության բանակցությունների մաս։
Լրատվամիջոցը նշում է, որ Թուրքիայի նախագահ Ռեջեփ Թայիփ Էրդողանի կառավարության բարձրաստիճան աղբյուրը նախազգուշացրել է՝ Մեծ Բրիտանիայի վարչապետ Բորիս Ջոնսոնի կողմից առաջ մղվող ընդլայնման ծրագրերը «երկար ժամանակ կպահանջեն»։
Հիմա էլ Թուրքիան Ստոկհոլմի և Հելսինկիի՝ ՆԱՏՕ-ին անդամակցության հարցով ավելի լայն բանակցություններում նոր հարց է ուզում առաջ քաշել՝ դիտարկելով դիվանագիտական ճգնաժամը որպես Կիպրոսի հարցի լուծման համար ճնշում գործադրելու միջոց:
Հյուսիսային Կիպրոսի նախագահ Էրսին Թաթարին մոտ կանգնած աղբյուրը լրատվամիջոցի հետ զրույցում հաստատել է, որ նա զանգահարել է Էրդողանին՝ խնդրելով, որ ՆԱՏՕ-ի բանակցություններում սեղանին դրվի պաշտոնապես չճանաչված հանրապետության կարգավիճակի հարցը։
«Ես գիտեմ, որ զանգն արվել է, և ես հասկանում եմ, որ նախագահ Թաթարը դրական պատասխան է ստացել: Ինչո՞ւ այս իրավիճակում չօգտագործել ցանկացած լծակ, որ կարող ենք: Հունաստանն ու Կիպրոսն օգտագործում են իրենց վետոն ԵՄ-ի վրա՝ կասեցնելու ցանկացած առաջընթաց, և ժամանակն է, որ այս անարդարությունը լուծվի»,- ասել է աղբյուրը։
Էմմա Չոբանյան
