16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Ինչպե՞ս կարող ես բանակցել կոկորդիլոսի հետ, երբ նա ուտում է քո ձախ ոտքը. Ջոնսոնը՝ Պուտինի մասին
Քաղաքականություն
27.05.2022 | 20:07
Մեծ Բրիտանիայի վարչապետ Բորիս Ջոնսոնը հարցազրույց է տվել Bloomberg-ին, որում, մասնավորապես, ասել է, որ Ուկրաինային ավելի շատ հարձակողական սպառազինություն է պետք, այդ թվում՝ հեռահար բազմակի հրթիռային համակարգեր։ Արևմտյան երկրները դեռ չեն փոխանցել դրանք Ուկրաինային, գրում է BBC-ի ռուսական ծառայությունը։
«Ես վախենում եմ, որ Պուտինը, իր և ռուս զինվորականների համար մեծ գնով, շարունակում է կրծել Դոնբասի հողը: Նա շարունակում է աստիճանական, դանդաղ, բայց վախենում եմ՝ շոշափելի առաջընթաց գրանցել հնարավոր չէ։ Հետևաբար, բացարձակապես կարևոր է, որ մենք շարունակենք ռազմական աջակցություն ցուցաբերել ուկրաինացիներին: Կարծում եմ՝ շատ կարևոր է, որ մեզ չհոգնեցնի ուկրաինացիների անհավանական հերոսությունը, որոնք ռուսներին հետ մղեցին Կիևի դարպասներից»,- ասել է Ջոնսոնը։
Անդրադառնալով պատերազմի խաղաղ լուծման հեռանկարներին՝ Ջոնսոնն ասել է․ «Ինչպե՞ս կարող ես բանակցել կոկորդիլոսի հետ, երբ նա ուտում է քո ձախ ոտքը: Սա հենց այն է, ինչ անում է Պուտինը։ Նա կփորձի սառեցնել հակամարտությունը, կփորձի հրադադարի կոչ անել։ Իհարկե, մենք պետք է դադարեցնենք պատերազմը, դա աշխարհին խիստ անհրաժեշտ է։ Սակայն դրան վերջ տալու միակ ճանապարհն այն է, երբ Պուտինը խոստովանի, որ իր այս «դենացիֆիկացիան» տեղի է ունեցել։ Եվ նա կկարողանա պատվով ու արժանապատվորեն դուրս գալ կոնֆլիկտից»։
Տաթև Ֆռանգյան
