ՌԴ-ն ավելացնում է Վերին Լարսի անցակետի թողունակությունը

ՌԴ Տրանսպորտի նախարարությունն աշխատում է անցակետերի, այդ թվում՝ ռուս-վրացական սահմանի Վերին Լարսի անցակետի թողունակության մեծացման ուղղությամբ։ Այս մասին ՏԱՍՍ-ին հայտնել են նախարարության մամուլի ծառայությունից։

Աղբյուրի փոխանցմամբ՝ այժմ Ռուսաստանից դեպի Վրաստան ելքի մոտ շուրջ 900 բեռնատար կա, որոնց անցման ձևակերպման միջին ժամկետը չի գերազանցում 2-3 օրը։

«Ռուսաստանի Տրանսպորտի նախարարությունն աշխատում է անցակետերի, այդ թվում՝ Վերին Լարսի թողունակությունն ավելի արագ տեմպերով ավելացնելու ուղղությամբ։ Մինչև այս տարվա հուլիսը կներդրվի լրացուցիչ 12 գիծ, ևս 12-ը՝ մինչև տարեվերջ։ Այսպիսով, Վերին Լարսի անցակետում երթուղիների ընդհանուր թիվը կհասնի 39-ի (25 երթուղիով ավելի)։ Ներկայում հաստատությունում 120-ից ավելի մարդ է ներգրավված անցակետի վերակառուցման աշխատանքներում»,- հայտնել են նախարարությունից։

Երթևեկության ավելացված ծավալի պատճառով Ռուսաստանից դեպի Վրաստան սահմանին այժմ շուրջ 900 բեռնատար կա, որոնց գրանցման միջին ժամանակը չի գերազանցում 2-3 օրը։ Գերատեսչությունում պարզաբանել են, որ ավելի վաղ այդ անցակետում ամենածանրաբեռնված ժամանակահատվածներում անցել է մինչև 1500 մեքենա: Ընթացիկ տարվա սկզբին տրանսպորտային միջոցների միջին քանակը կազմում էր օրական մինչև 900 մեքենա:

«Մինչ օրս ձեռնարկված միջոցառումների շնորհիվ հնարավոր է դարձել անցակետի թողունակությունը հասցնել 2,3 հազար ավտոմեքենայի (որից 1,100-ը՝ բեռնատար)»,- ընդգծել են նախարարությունում։

Տաթև Ֆռանգյան