15.05.2026 | 10:45
Նուբարաշեն» ՔԿՀ-ում կալանավորի դի է հայտնաբերվել
Ընտրական օրենսգրքում արված փոփոխությունները մեծացրել են մասնակցությունը 2021-ի ընտրություններում. ԿԸՀ
Քաղաքականություն
27.05.2022 | 11:35
Մեկնարկել է ԵՄ-ի ֆինանսավորմամբ իրականացվող «Արտահերթ ընտրություններ 2021. տեղական դիտորդություն և քաղաքացիական հասարակության կողմից քաղաքացիների իրավազորում» ծրագրի ամփոփիչ միջոցառումը։
Հայաստանում Եվրոպական միության պատվիրակության, «ՕքսԵՋեն» հիմնադրամի, ՀՀ ԿԸՀ ներկայացուցիրչները, ծրագիրն իրականացնող գործընկերները և շահառուները (հաշմանդամություն ունեցող անձինք, առաջին անգամ քվեարկող երիտասարդներ) կներկայացնեն ծրագրի արդյունքները, տեղի կունենա քննարկում:
ԿԸՀ ներկայացուցչի խոսքով՝ ընտրությունները ժողովրդավարության կարևորագույն տարրերից են և ժողովրդավարության առկայության պայման են. որպես կանոն ժողովրդավարական երկրների քաղիրավական համակարգի հիմքում ընկած են ազատ արդար թափանցիկ ընտրությունները:
Նրա դիտարկմամբ՝ ընտրությունների զարգացման գործում շատ կարևոր է, որ ազգային օրենսդրությունում ամրագրված լինեն միջազգային ստանդարտներն ու սկզբունքնեը, սակայն առավել կարևոր է այդ ամրագրումների իրականացումը և դրանց կատարման ապահովումը:
«2016թ. Ընտրական օրենսգրքում աննախադեպ փոփոխություն կատարվեց. ընտրողների ստորագրած ցուցակները հրապարակվեցին համացանցում, այլ երկրների օրենսդրական դաշտում նման կարգավորում չեմ տեսել: Այդ փոփոխության նպատակն էր ընտրությունների թափանցիկության և հանրային վստահության մեծացումը:
Ընտրական օրենսգքում փոփոխություններ կատարվել են նաև 2017-ից 2021 թվականներին: Ընտրական օրենսգրքի փոփոխությունները մեծացրել են մասնակցությունը 2021-ի ընտրություններում»,- նշեց ԿԸՀ ներկայացուցիչը:
Մանրամասները՝ տեսանյութում:
