26.11.2024 | 16:34
Ալեն Սիմոնյանը հրաժեշտի հանդիպում է ունեցել ՀՀ-ում Իտալիայի դեսպան Ալֆոնսո Դի Ռիզոյի հետ
Կապիկի ջրծաղիկ հիվանդության բռնկումը հաղթահարելի է․ ԱՀԿ
Քաղաքականություն
26.05.2022 | 23:16
Առողջապահության համաշխարհային կազմակերպությունը (ԱՀԿ) երեքշաբթի օրը՝ մայիսի 24-ին, հայտարարել է, որ կապիկի ջրծաղիկը շարունակում է մնալ «զսպելի» և սահմանափակ՝ չնայած հաստատված դեպքերի թիվը, որոնք գրանցվել են այն երկրներից դուրս, որտեղ այն սովորաբար տարածվում է, մայիսի 7-ից ի վեր հասել է 131-ի: Այս մասին գրում է «Ամերիկայի ձայն»-ը։
«Դեպքերը, որոնց այժմ ականատես ենք, հիմնականում վերաբերում են ոչ թե բացառապես, այլ հիմնականում միասեռական տղամարդկանց մոտ», – ասում է ԱՀԿ արտակարգ իրավիճակների ծրագրերի ղեկավար Ռոսամունդ Լյուիսը: «Մենք դեռ չգիտենք, թե արդյոք դա միայն սեռական ճանապարհով փոխանցվող վարակ է, թե ոչ: Ինչպես նկարագրվել է ավելի վաղ, այն փոխանցվում է մաշկի շփման միջոցով, որը առաջնային եղանակն է: Մենք դեռ չունենք տեղեկություն այն մասին, թե արդյոք այն փոխանցվում է, օրինակ, մարմնի հեղուկների միջոցով»:
ԱՀԿ-ն հայտնում է այս ուղղությամբ հետագա քննարկումներ անցկացնելու անհրաժեշտության մասին՝ իրավիճակը կարգավորելու նպատակով:
Ջրծաղիկը սովորաբար ոչ ուժեղ վիրուսային վարակ է, որը էնդեմիկ է Արևմտյան և Կենտրոնական Աֆրիկայի մասերում: Այն տարածվում է հիմնականում սերտ շփման միջոցով, և մինչև վերջերս հազվադեպ է նկատվել աշխարհի այլ մասերում: Վերջին դեպքերի մեծ մասը գրանցվել է Եվրոպայում։
Ախտանիշները ներառում են ջերմություն և մաշկի վրա ցան: Ներկայիս բռնկման ժամանակ հայտնաբերված ջրծաղկի արևմտյան Աֆրիկայի շտամի մահացության մակարդակը կազմում է մոտ 1%:
Լյուիսն ասում է, որ բռնկումը ստեղծել է «մտահոգիչ իրավիճակ»: Նա սակայն շեշտում է, որ «մարդիկ մնում են շատ ցածր ռիսկի տակ» և որ այն «զսպելի է»:
