18.12.2025 | 18:18
Գարեգին Բ-ի դեմ ընդվզած եպիոսկոպոսները ժամանեցին Մայր Աթոռ․ նրանց ելույթն ուղեկցվեց սուլոցներով․ ՏԵՍԱՆՅՈՒԹ
Թուրքիան ՆԱՏՕ-ին Շվեդիայի և Ֆինլանդիայի անդամակցությանը համաձայնելու համար սպասում է թուրքական մտահոգությունների լուծման կոնկրետ քայլեր
Քաղաքականություն
26.05.2022 | 12:31
ՆԱՏՕ-ին անդամակցելու գործընթացի առաջընթացի համար Շվեդիան և Ֆինլանդիան պետք է կոնկրետ քայլեր ձեռնարկեն՝ լուծելու անվտանգության հետ կապված Անկարայի մտահոգությունները: Այս մասին հայտարարել է Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը՝ մեկնաբանելով նախօրեին Անկարայում տեղի ունեցած Թուրքիայի, Շվեդիայի և Ֆինլանդիայի բանակցությունները, որոնց ընթացքում քննարկվել են Ստոկհոլմի և Հելսինկիի՝ ՆԱՏՕ-ին անդամակցելու դիմումները, գրում է «Անադոլու» գործակալությունը։
«Թուրքիան հստակ հասկացրել է, որ Շվեդիայի և Ֆինլանդիայի՝ ՆԱՏՕ-ին անդամակցելու հայտերը չեն կարող առաջ շարժվել, եթե Անկարայի անվտանգության ոլորտում մտահոգությունների հետ կապված որոշակի ժամկետներում կոնկրետ քայլեր չձեռնարկվեն»,- ասել է Քալընը։
Նա նշել է, որ բանակցություններում դիտարկվել է դրական վերաբերմունք Անկարային պաշտպանական արտադրանքի մատակարարման էմբարգոյի վերացման հարցում։
«Անընդունելի է, որ ՆԱՏՕ-ի դաշնակիցները պատժամիջոցներ սահմանեն միմյանց դեմ»,- ասել է թուրք պաշտոնյան։
Նա հիշեցրել է, որ Թուրքիայի անվտանգության մտահոգություններն առաջին հերթին կապված են այնպիսի «ահաբեկչական կազմակերպությունների» գործունեության հետ, ինչպիսիք են PKK-ն, PYD/YPG-ն, DHKP-C-ն և FETÖ-ն, որոնք ահաբեկչական պայքար են մղում Թուրքիայի դեմ եվրոպական երկրներում, այդ թվում՝ Ֆինլանդիայում և Շվեդիայում։ Քալընը նաև ասել է, որ Անկարան վերջին 10 տարիների ընթացքում բազմիցս դիմել է Շվեդիային և Ֆինլանդիային՝ ահաբեկչությանն աջակցելու մեջ ներգրավված անձանց արտահանձնման խնդրանքով։
Հիշեցնենք, որ նախօրեին Անկարայում նախագահական պալատում տեղի են ունեցել Շվեդիայի, Ֆինլանդիայի և Թուրքիայի բանակցությունները ՆԱՏՕ-ին Ստոլհոլմի և Հելսինկիի անդամակցության հարցով։ Հանդիպումը տեղի է ունեցել փակ դռների հետևում ու տևել է շուրջ 5 ժամ։
Էմմա Չոբանյան
