16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Կուլեբան հայտարարել է, որ Դոնբասում ուկրաինական զորքերի վիճակը չափազանց վատ է
Քաղաքականություն
25.05.2022 | 19:56
Ուկրաինայի ԱԳ նախարար Դմիտրի Կուլեբան հայտարարել է, որ իրավիճակը Դոնբասում չափազանց վատ է ուկրաինական զորքերի համար, գրում է BBC-ի ռուսական ծառայությունը։
Նրա խոսքով՝ իրավիճակը կարող է ավելի վատթարանալ, եթե ԱՄՆ-ը հնարավորինս շուտ Ուկրաինային չփոխանցի MLRS ինքնագնաց հրթիռային կայաններ։
«Ես այստեղ գրեթե տասը երկկողմանի հանդիպում եմ ունեցել, երբ մեկին ասում եմ՝ ես գիտեմ, որ դուք MLRS ունեք, մեզ շատ է պետք, տվեք մեզ, առաջին հարցը, որ ստանում եմ՝ ամերիկացիները դեռ չե՞ն տվել»,- ասել է Կուլեբան Դավոսի համաշխարհային տնտեսական ֆորում ընթացքում ունեցած ելույթում։
Նա նշել է, որ ԱՄՆ-ը պետք է կատարի իր խոստումը։
«Վաշինգտոնը պետք է կատարի իր խոստումը և հնարավորինս շուտ մեզ տրամադրի բազմակի հրթիռային համակարգեր, որից հետո այդ օրինակին մյուսները կհետևեն»,- նշել է Ուկրաինայի արտգործնախարարը:
Էմմա Չոբանյան
