26.11.2024 | 14:29
ՔՊ-ական պատգամավոր Հակոբ Ասլանյանի հետ կապված միջադեպի գործով հարցաքննվում է ավտոբուսի վարորդը․ ՈՒՂԻՂ
Ստոկհոլմը չի ֆինանսավորում ահաբեկչական կազմակերպություններին․ Շվեդիայի վարչապետը պատասխանել է Թուրքիայի մեղադրանքներին
Քաղաքականություն
25.05.2022 | 20:13
Ստոկհոլմը չի ֆինանսավորում և չի զինում ահաբեկչական կազմակերպություններին։ Այս մասին հայտարարել է Շվեդիայի վարչապետ Մագդալենա Անդերսոնը՝ ի պատասխան Թուրքիայի այն հայտարարություններին, թե երկիրը, իբր, ահաբեկչական կազմակերպությունների օջախ է, գրում է BBC-ի ռուսական ծառայությունը։
Հիշեցնենք, որ Թուրքիան դեմ է հանդես գալիս ՆԱՏՕ-ին Շվեդիայի ու Ֆինլանդիայի անդամակցությանը՝ այս երկրներին մեղադրելով Քուրդիստանի աշխատավորական կուսակցության (PKK) անդամներին և Ֆեթուլլահ Գյուլենի հետևորդներին ապաստան տալու համար, որոնց Անկարան մեղադրում է 2016 թվականի հեղաշրջման փորձը կազմակերպելու մեջ։
«Իհարկե, մենք ոչ մի գումար կամ զենք չենք ուղարկում ահաբեկչական կազմակերպություններին»,- ասել է Անդերսոնը Ստոկհոլմում կայացած մամուլի ասուլիսում։
Այսօր նաև Շվեդիայի և Ֆինլանդիայի ներկայացուցիչներն Անկարայում հանդիպում են Թուրքիայի պաշտոնյաների հետ՝ քննարկելու ՆԱՏՕ-ին անդամակցության հարցը։
Հավելենք, որ օրերս Թուրքիան հրապարակել էր դաշինքին Շվեդիայի անդամակցությանը համաձայնություն տալու դիմաց Ստոկհոլմին ուղղված պահանջները։
Էմմա Չոբանյան
