18.05.2026 | 21:10
Փաշինյանի պոռթկումները․ մի քանի միջադեպ` մեկ օրում. ՏԵՍԱՆՅՈՒԹ
Այս ֆորմատի վախճանի մասին լուրերը փոքր-ինչ չափազանցված են․ Արարատ Միրզոյանը՝ ԵԱՀԿ Մինսկի Խմբի մասին
Քաղաքականություն
25.05.2022 | 18:05
«ԵԱՀԿ ՄԽ ֆորմատի մահվան մասին լուրերը փոքր-ինչ չափազանցված են»,- այս մասին այսօր ԱԺ–ում կառավարության հետ հարցուպատասխանի ժամանակ հայտարարեց ՀՀ ԱԳ նախարար Արարատ Միրզոյանը` մեկնաբանելով բանակցային տվյալ ֆորմատի շուրջ ուկրաինական իրադարձությունների համատեքստում առկա մտահոգությունները։
«Ակնհայտ է, որ ուկրաինական պատերազմի բերումով ԵԱՀԿ ՄԽ համանախագահության աշխատանքները, մեղմ ասած, ակտիվ չեն ընթանում։ Մինչ այդ հիշեք, որ Ադրբեջանն էր այն երկիրը, որը մերժում էր ԵԱՀԿ ՄԽ համանախագահության ձևաչափը և այդ ձևաչափով բանակցությունները շարունակելու առաջարկը։ Բայց ուկրաինական կոնֆլիկտից հետո նաև համանախագահների շրջանում որոշակի տարակարծություններ առաջ եկան»,- նշեց Միրզոյանը` միաժամանակ շեշտելով, որ Հայաստանը բանակցությունների ձևաչափը տեսնում հենց ԵԱՀԿ ՄԽ համանախագահության ֆորմատում։
ԱԳ նախարարը հավելեց, որ համանախագահող երկրները ևս հաստատել են իրենց պատրաստակամությունը` բանակցությունները շարունակելու։
«Այնպես որ ասել, որ այս հարցում կա կոնսենսուս, կլինի չափազանցված, կոնսենսուս չկա, և առաջին հերթին հենց Ադրբեջանի կողմից ու Ադրբեջանի ջանքերով։ Բայցև, ինչպես դասականը կասեր` այս ֆորմատի մահվան մասին լուրերը ևս փոքր–ինչ չափազանցված են»,- նշեց Միրզոյանը։
Մանրամասները՝ տեսանյութում:
