26.11.2024 | 14:29
ՔՊ-ական պատգամավոր Հակոբ Ասլանյանի հետ կապված միջադեպի գործով հարցաքննվում է ավտոբուսի վարորդը․ ՈՒՂԻՂ
Մոսկվան Լեհաստանին մեղադրել է դեպի Ուկրաինա «էքսպանսիայի» ծրագրերի մեջ
Քաղաքականություն
25.05.2022 | 18:50
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Լեհաստանը դեպի Ուկրաինա «էքսպանսիայի» ծրագիր ունի՝ հավելելով, որ Ուկրաինայում Ռուսաստանի մղած պատերազմը միայն պատրվակ է նման էքսպանսիայի համար, փոխանցում է BBC-ն։
«Չի կարելի բացառել, որ Վարշավան «սողացող» էքսպանսիայի ծրագրեր է մշակում դեպի հարևան պետության տարածք: Համենայնդեպս, փաստերն այդ մասին են խոսում: Այս դեպքում Ռուսաստանի հատուկ ռազմական գործողության հետ կապվելը ոչ այլ ինչ է, քան պատրվակ»,- ասել է նա:
Մայիսի 22-ին Ուկրաինայի նախագահ Վլադիմիր Զելենսկին Գերագույն Ռադայում հայտարարել էր Լեհաստանի ղեկավարության հետ երկրների միջև սահմանային անցումները պարզեցնելու մասին համաձայնության մասին՝ բացատրելով, որ ներկա իրավիճակն «ակամա ստիպել է Ուկրաինային և Լեհաստանին մոռանալ ընդհանուր անցյալի շուրջ վեճերը»։
Տաթև Ֆռանգյան
