26.03.2026 | 23:44
Քարաթափում Սիսիան-Լծեն-Տաթև ավտոճանապարհին
ԵՄ-ում առաջարկել են մտածել հարևանության նոր քաղաքականության մասին՝ Ուկրաինայի, Վրաստանի և Մոլդովայի համար
Քաղաքականություն
25.05.2022 | 15:45
Ավստրիայի արտաքին գործերի նախարար Ալեքսանդր Շալենբերգն առաջարկել է դիտարկել Ուկրաինայի, Վրաստանի և Մոլդովայի աստիճանական ինտեգրման հնարավորությունը Եվրամիությանը և մտածել նոր հարեւանության քաղաքականության մասին, քանի որ այդ երկրների համար չկա ԵՄ-ին միանալու համար արագացված ընթացակարգ, փոխանցում է ՏԱՍՍ-ը։
«Փաստն այն է, որ մենք պետք է շատ հստակ ազդանշան տանք, որ այդ երկրները ձգտումներ ունեն, նրանք միանշանակ խարսխված են եվրոպական ընտանիքում, մեր արժեքային ընտանիքում, և նաև տնտեսապես»,- ասել է Շալենբերգը՝ ելույթ ունենալով Դավոսի Համաշխարհային տնտեսական ֆորումում։ «Կարծում եմ, որ այս լարված ժամանակաշրջանում մենք պետք է ազատվենք ամբողջական անդամակցության ձևանմուշներից, երկար գործընթացով, որը կարող է տևել տարիներ, եթե ոչ տասնամյակներ», – ասել է նա:
Շալենբերգը պարզաբանել է, որ ԵՄ-ն չպետք է կատարի անցած տարիների սխալները Ուկրաինայի, Վրաստանի և Մոլդովայի պարագայում, ինչպես դա արեց բալկանյան երկրների հետ, որոնք երկար ժամանակ սպասում էին ԵՄ լիիրավ անդամակցությանը։
«Կարծում եմ՝ պետք է մտածել աստիճանական ինտեգրման մասին։ Թեկնածու երկրի պիտակը մարդկանց համար ոչինչ չի փոխում, ոչ մի խնդիր չի լուծում և չի մոտեցնում ընդհանուր շուկայի հետ։ Կարծում եմ՝ պետք է մտածել նոր հարեւանության քաղաքականության մասին»,- ասել է ԱԳ նախարարը։
Տաթև Ֆռանգյան
