16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հնդկաստանը վեց տարվա ընթացքում առաջին անգամ սահմանափակել է շաքարի արտահանումը
Քաղաքականություն
25.05.2022 | 22:41
Հնդկաստանը շաքարի արտահանման սահմանափակումներ է մտցրել՝ ներքին շուկայում դրա հասանելիությունը մեծացնելու և գների աճը կանխելու համար, գրում է The Economic Times-ը։
Կառավարությունը հունիսի 1-ից հոկտեմբերի 31-ը մատակարարների համար պարտադիր է դարձրել արտասահմանում շաքարավազ վաճառելու թույլտվություն ստանալը։ Սա վերաբերում է հումքի, ռաֆինացված և սպիտակ շաքարի արտահանմանը, ասվում է Արտաքին առևտրի գլխավոր տնօրինության (DGFT) ծանուցման մեջ: Այս սահմանափակումները չեն տարածվի ԱՄՆ և Եվրամիություն շաքարավազի մատակարարումների վրա՝ նախկինում սահմանված քվոտաների շրջանակում։
Նշվում է, որ Հնդկաստանը վեց տարվա ընթացքում առաջին անգամ սահմանափակումներ է մտցրել շաքարի արտահանման վրա։
Երկիրն այս ապրանքի աշխարհի խոշորագույն արտադրողն է և Բրազիլիայից հետո երկրորդ արտահանողն է, ուստի Հնդկաստանի քայլերը ազդեցություն կունենան շաքարավազի գների վրա ամբողջ աշխարհում, ասում են փորձագետները:
Ավելի վաղ Հնդկաստանը արգելք էր սահմանել արտասահման ցորենի մատակարարման համար։ Երկրի իշխանությունների գործողությունները պայմանավորված են ուկրաինական իրադարձություններով և դրա հետ կապված Ռուսաստանի դեմ կիրառվող պատժամիջոցներով, ինչը տարբեր գյուղմթերքի գների բարձրացում և պարենային համաշխարհային ճգնաժամի մտավախություն է առաջացնում։
Տաթև Ֆռանգյան
