07.02.2026 | 11:14
Արտարժույթների փոխարժեքները՝ փետրվարի 7-ի դրությամբ
Բրիտանիայի իշխանությունները թույլ են տվել Աբրամովիչին վաճառել «Չելսին»
Քաղաքականություն
25.05.2022 | 15:04
Մեծ Բրիտանիայի իշխանությունները ռուս միլիարդատեր Ռոման Աբրամովիչին թույլատրել են վաճառել Լոնդոնի «Չելսի» ֆուտբոլային ակումբը, գրում է BBC-ի ռուսական ծառայությունը։
Ակումբը 4,25 մլրդ ֆունտով պետք է գնի ամերիկացի ներդրող Թոդ Բոլիի գլխավորած կոնսորցիումը: Մեծ Բրիտանիայի կառավարությունը հայտարարել է, որ տրամադրել է լիցենզիա, որը թույլ է տալիս վաճառքը, քանի որ գոհ է եղել, որ գործարքի նշված պայմանները ֆինանսական օգուտ չեն բերելու Աբրամովիչին կամ պատժամիջոցների տակ գտնվող որևէ այլ անձի:
Ավելի վաղ հաղորդվում էր, որ «Չելսիի» վաճառքը պետք է տեղի ունենա մինչև մայիսի վերջ, հակառակ դեպքում՝ ակումբը կտուգանվի Պրեմիեր լիգայի կողմից, մասնավորապես, հաջորդ մրցաշրջանում չի կարողանա մասնակցել Չեմպիոնների լիգայի խաղարկությանը։
Ռոման Աբրամովիչը Պուտինի հետ մտերիմ ռուս օլիգարխների ցուցակում է, որոնք պատժամիջոցների տակ են հայտնվել Ուկրաինա Ռուսաստանի ներխուժումից հետո։
Տաթև Ֆռանգյան
