19.12.2025 | 14:36
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
ԱՄՆ-ը զգուշացրել է Թուրքիային՝ Սիրիայում նոր հարձակման ծրագրերի առնչությամբ
Քաղաքականություն
25.05.2022 | 13:18
ԱՄՆ-ը զգուշացնում է Թուրքիային՝ Սիրիայի հյուսիսում նոր ռազմական գործողություն սկսելու կապակցությամբ, հաղորդում է France 24-ը։
Նշենք, որ Թուրքիայի նախագահ Ռեջեփ Թայիփ Էրդողանը երկուշաբթի հայտարարել էր, որ Թուրքիան շուտով նոր ռազմական գործողություն կսկսի Սիրիայի հյուսիսում՝ սահմանի երկայնքով 30 կմ «անվտանգության գոտի» ստեղծելու համար:
«Մենք խորապես մտահոգված ենք Սիրիայի հյուսիսում ռազմական ակտիվության հնարավոր աճի վերաբերյալ զեկույցներով և քննարկումներով, մասնավորապես, խաղաղ բնակչության վրա դրա ազդեցությամբ։ Մենք դատապարտում ենք ցանկացած էսկալացիա և աջակցում հրադադարի ներկա ռեժիմին»,- ասել է ԱՄՆ Պետքարուղարության խոսնակ Նեդ Փրայսը լրագրողների հետ զրույցում։
Թուրքիան 2016 թվականից երեք գործողություն է իրականացրել Սիրիայում քուրդ զինյալների դեմ, որոնք աջակցում էին ԱՄՆ-ին ԻԼԻՊ-ի դեմ պայքարում։
«Մենք ակնկալում ենք, որ Թուրքիան կկատարի 2019 թվականի հոկտեմբերի համատեղ հայտարարությունը, այդ թվում՝ կդադարեցնի հարձակողական գործողությունները Սիրիայի հյուսիս-արևելքում։ Մենք ճանաչում ենք Թուրքիայի օրինական մտահոգությունները Թուրքիայի հարավային սահմանի անվտանգության վերաբերյալ: Սակայն ցանկացած նոր հարձակում ավելի կխաթարի տարածաշրջանի կայունությունը և վտանգի տակ կդնի ԱՄՆ-ի ուժերին ԻԼԻՊ-ի դեմ կոալիցիայի արշավում»,- ասել է Նեդ Փրայսը։
Նշենք, որ Էրդողանի հայտարարությունները Սիրիայում նոր հարձակում սկսելու վերաբերյալ հնչում են նրա սպառնալիքների ֆոնին՝ արգելափակելու ՆԱՏՕ-ին Շվեդիայի և Ֆինլանդիայի անդամակցությունը։
Էմմա Չոբանյան
