18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
ԵՄ-ն սառեցրել է ռուս գործարարների՝ 10 միլիարդ եվրոյի ակտիվները
Քաղաքականություն
25.05.2022 | 12:21
Եվրամիությունն Ուկրաինայում Ռուսաստանի սանձազերծած պատերազմից հետո սառեցրել է ռուս գործարարների ակտիվները՝ շուրջ 10 միլիարդ եվրոյի չափով։ Այս մասին հայտնում է ՌԻԱ Նովոստին՝ վկայակոչելով Եվրահանձնաժողովի տվյալները։
Նշվում է, որ ապրիլի սկզբին այդ գումարը կազմել է 6,7 մլրդ եվրո։
Մայիսի 25-ին Եվրահանձնաժողովը մտադիր է օրինագիծ ներկայացնել, որը թույլ կտա բռնագրավել սառեցված ռուսական ակտիվները։
Հիշեցնենք՝ ավելի վաղ հաղորդվել էր, որ Եվրամիությունը կքննարկի պատժամիջոցների տակ հայտնված ռուսաստանցիների սառեցված ակտիվներից ստացված եկամուտները Ուկրաինայի վերականգնման ֆինանսավորման համար օգտագործելու հնարավորությունը։
Տաթև Ֆռանգյան
