18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Թուրք երեք զինվորական է ոչնչացվել Հյուսիսային Իրաքում PKK-ի անդամների հետ փոխհրաձգության հետևանքով
Քաղաքականություն
24.05.2022 | 17:31
Առնվազն երեք թուրք զինվորական է սպանվել երեքշաբթի Հյուսիսային Իրաքում Քուրդիստանի աշխատավորական կուսակցության (PKK) անդամների հետ փոխհրաձգության ժամանակ։ Այս մասին հայտնում է Թուրքիայի Ազգային պաշտպանության նախարարությունը, փոխանցում է ՏԱՍՍ-ը։
««Ճանկ-ամրոց» ռազմական գործողության գոտում ահաբեկիչների հետ բախման հետևանքով մեր երեք զինվորական է զոհվել, չորսը՝ վիրավորվել»,- ասվում է գերատեսչության տարածած հաղորդագրության մեջ։
Հիշեցնենք, որ Թուրքիան ապրիլի սկզբից ռազմական գործողություն է սկսել Իրաքի հյուսիսում՝ ընդդեմ երկրում արգելված Քրդական աշխատավորական կուսակցության զինյալների: Գործողություններում ներգրավված են հատուկ նշանակության ջոկատներ և ռազմաօդային ուժեր:
Իրաքի նախագահի գրասենյակը դատապարտել է թուրքական կողմի գործողությունները՝ հայտարարելով, որ դրանք վտանգ են ներկայացնում երկրի ազգային անվտանգությանը: Ի պատասխան՝ Թուրքիայի ԱԳ նախարար Մևլութ Չավուշօղլուն հայտարարել է, որ թուրքական կողմի նպատակն է սեփական սահմանների անվտանգության ապահովումը:
Տաթև Ֆռանգյան
