16.09.2026 | 20:51
Հեղաշրջման մեջ մեղադրվող Ալիևի աշխատակազմի նախկին ղեկավարի գործը փոխանցվել է դատարան
Ռուսական զորքերն ուժեղացրել են Դոնբասի ռմբակոծությունը․ ուկրաինացի պաշտոնյա
Քաղաքականություն
24.05.2022 | 14:01
Դոնեցկի շրջանի ղեկավար Պավել Կիրիլենկոն Կրամատորսկում Associated Press-ին հայտնել է, որ Լուգանսկի շրջանում շարունակվում են կատաղի բախումները։ Ուկրաինացի պաշտոնյան հայտնել է, որ ռուսական զորքերն ուժեղացրել են Դոնբասի ռմբակոծությունը, գրում է VOA-ն։
Կրամատորսկը և հարևան Սլավյանսկը Դոնեցկի մարզի ամենամեծ քաղաքներն են, որոնք ներկայում չեն վերահսկվում ռուսական ուժերի կողմից: Կիրիլենկոն ասել է, որ «իրավիճակը բարդ է»։
«Առաջնագիծը գտնվում է մշտական հրետակոծության տակ»,- ասել է նա։
Պաշտոնյան հավելել է, որ բնակչության ճնշող մեծամասնությունն արդեն տարհանվել է։ Փետրվարի 24-ին ռուսական ներխուժման սկզբում տարածաշրջանում ապրող ավելի քան 1,6 միլիոն բնակչից մնացել է ոչ ավելի, քան 320 հազար մարդ։
Տաթև Ֆռանգյան
