26.11.2024 | 14:10
Բարձրադիր բնակավայրեր ուղևորվելիս երթևեկել բացառապես ձմեռային անվադողերով
Թուրքիան հայտարարում է Սիրիայում քրդերի դեմ նոր հարձակում սկսելու մասին
Քաղաքականություն
24.05.2022 | 13:12
Անկարան ծրագրում է շուտով նոր հարձակում սկսել Սիրիայում քրդերի դեմ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
Այս գործողության նպատակը, նրա խոսքով, պետք է լինի իր երկրի հարավային սահմանի երկայնքով 30 կմ լայնությամբ անվտանգության գոտի ստեղծելը, որը կծառայի «այս տարածաշրջանից բխող ահաբեկչական սպառնալիքները ճնշելուն», գրում է DW-ի ռուսական ծառայությունը։
Անկարան Քուրդիստանի աշխատավորական կուսակցությունը (PKK) և Ժողովրդական պաշտպանության ստորաբաժանումները (YPG, «Սիրիայի դեմոկրատական ուժեր» դաշինքի մաս) ահաբեկչական կազմակերպություններ է համարում։
Մայիսի 14-ին Թուրքիայի արտգործնախարար Մևլութ Չավուշօղլուն Բեռլինում ՆԱՏՕ-ի արտգործնախարարների ոչ պաշտոնական արտահերթ հանդիպման ժամանակ ասել է, որ թուրք բնակչության մեծամասնությունը դեմ է ՆԱՏՕ-ին Շվեդիայի և Ֆինլանդիայի անդամակցությանը հենց այն պատճառով, որ այդ երկրները «բացահայտորեն աջակցություն են հայտնում PKK-ին և YPG-ն»:
Իր հերթին, Ֆինլանդիայի արտգործնախարար Պեկկա Հաավիստոն ասել է, որ պատրաստվում է թուրք գործընկերոջ հետ քննարկել առկա տարաձայնությունները և վստահություն է հայտնել, որ իրենց «կհաջողվի լուծում գտնել խնդրին»։
Տաթև Ֆռանգյան
