28.07.2026 | 18:10
Աննա Հակոբյանը պնդում է՝ սպառնալիքներ է ստանում // ՌԴ ԱՀԾ-ն՝ Երևան-Բրյուսել տնտեսական կապերի մասին․ ԼՈՒՐԵՐ
Մեծ Բրիտանիան դիտարկում է Սև ծով ռազմանավեր ուղարկելու հնարավորությունը՝ ուկրաինական հացահատիկ տեղափոխող նավերը պաշտպանելու համար
Քաղաքականություն
24.05.2022 | 14:53
Մեծ Բրիտանիան դիտարկում է Սև ծով ռազմանավեր ուղարկելու հնարավորությունը՝ ուկրաինական հացահատիկ տեղափոխող նավերը պաշտպանելու համար։ Այս մասին գրում է Times-ը, որին վկայակոչում է BBC-ի ռուսական ծառայությունը:
Մեծ Բրիտանիայի արտաքին գործերի նախարար Լիզ Թրասը պաշտպանել է կոալիցիա ստեղծելու գաղափարը՝ հաղթահարելու ռուսական շրջափակումը և անվտանգ միջանցք ստեղծելու Օդեսայից և, հնարավոր է, Նիկոլաևից Բոսֆորի միջոցով հացահատիկ արտահանելու համար:
Ուկրաինայից հացահատիկի արտահանման դադարեցումը լրջորեն սրում է համաշխարհային պարենային ճգնաժամը։
Լիտվայի արտաքին գործերի նախարար Գաբրիելիուս Լանդսբերգիսը, որը Լիզ Թրուսի հետ քննարկել է անվտանգության միջանցքի ստեղծման հնարավորությունը, նշել է, որ կոալիցիան կարող է ներառել ՆԱՏՕ-ի երկրները, ինչպես նաև այնպիսի պետություններ, ինչպիսին Եգիպտոսն է, որոնք ավելի շատ են կախված հացահատիկի մատակարարումներից, քան մյուսները։
Գործողությունը կներառի Օդեսայի նավահանգստի ջրերի մաքրումն ականներից և զենքի փոխանցում Ուկրաինային՝ ռուսական նավատորմի դեմ պայքարելու համար։ Դանիան նախօրեին խոստացել էր Ուկրաինային տալ ամերիկյան «Harpoon» հականավային հրթիռներ։
Տաթև Ֆռանգյան
