16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ՌԴ-ն և Թուրքիան բանակցություններ են վարում Ռուսաստանը լքող ապրանքանիշերը թուրքականներով փոխարինելու շուրջ
Քաղաքականություն
23.05.2022 | 22:56
Ռուսաստանի և Թուրքիայի միջև բանակցությունների նոր փուլ է սկսվել՝ ռուսական շուկան լքող ապրանքանիշերի փոխարինման շուրջ, գրում է թուրքական Hurriyet-ը։
Լրատվամիջոցը գրում է, որ երկու երկրները բանակցությունների նոր փուլ են սկսում Ռուսաստանը լքող ապրանքանիշերը թուրքականով փոխարինելու հարցով։ Ավելի վաղ Ռուսաստանում Reebok ցանցի սեփականատեր էր դարձել Թուրքիայից մի հոլդինգ։
Լրատվամիջոցի հետ զրույցում Առևտրի կենտրոնների ռուսական խորհրդի նախագահ Դմիտրի Մոսկալենկոն ասել է, որ թուրքական ընկերությունների հետ բանակցություններ են տարվում։
«Մենք մտնում ենք բանակցությունների նոր փուլ՝ Ռուսաստանից հեռացող ապրանքանիշերը թուրքականով փոխարինելու համար։ Կանխատեսում ենք, որ այս աշնանն ամբողջ Ռուսաստանի առևտրային ոլորտում ազատ կմնա շուրջ 3 մլն քառակուսի մետր, որը հավասար է 420 ֆուտբոլային դաշտի։ Թուրքական բրենդների համար, որոնք դեռ չկան Ռուսաստանում, մենք հնարավորություն ենք ստեղծում ծանոթանալու լավագույն առևտրի կենտրոններին՝ Մոսկվայից սկսած։ Մենք բանակցություններ ենք վարում, որ թուրքական ընկերությունները Ռուսաստանում երկար մնան ու անեն շահավետ ներդրումներ»,- ասել է Մոսկալենկոն։
Էմմա Չոբանյան
