10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
ԱՀԿ-ն հայտնել է 11 երկրում կապիկի ծաղիկով վարակման 80 հաստատված դեպքի մասին
21.05.2022 | 17:28
Առողջապահության համաշխարհային կազմակերպությունը (ԱՀԿ) հայտնել է, որ կապիկի ծաղիկով վարակվելու 80 դեպք է հաստատվել 11 երկրում, որտեղ այդ հիվանդությունը էնդեմիկ չի համարվում:
Կազմակերպությունը նշել է, որ հիվանդությունը էնդեմիկ է մի շարք երկրներում որոշ կենդանիների պոպուլյացիաներում, ինչը հանգեցնում է տեղական բնակչության և ճանապարհորդների շրջանում պարբերական բռնկումների։
«ԱՀԿ-ն կոչ է անում համայնքում բռնկման աստիճանի (եթե այդպիսիք կան), ախտանիշների և կանխարգելման միջոցների մասին տեղեկատվություն ստանալ վստահելի աղբյուրներից, ինչպիսիք են առողջապահական ազգային մարմինները»,- «ՌԻԱ Նովոստի»-ի փոխանցմամբ՝ նշել են ԱՀԿ-ից:
Կապիկի ծաղիկը հազվադեպ հանդիպող վիրուսային վարակ է, որը փոխանցվում է նաև մարդուն: Սովորաբար, մարդկանց մեծ մասը վերականգնվում է մի քանի շաբաթվա ընթացքում, սակայն կարող են առաջանալ որոշ բարդություններ: Մասնագետները շեշտում են, որ կապիկի ծաղիկը սեռական ճանապարհով փոխանցվող վարակ չի համարվում, սակայն կարող է տարածվել վարակված մարդու հետ սերտ շփման դեպքում:
Նախնական ախտանշաններն են՝ ջերմություն, գլխացավ, մկանային ցավեր, մեջքի ցավ, այտուցված ավշային հանգույցներ, դող և հյուծվածություն: Կարող է առաջանալ ցան, որը հաճախ սկսվում է դեմքի վրա, այնուհետև՝ տարածվում մարմնի այլ մասերում։
