16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Շվեդիայի ԱԳ նախարարն արձագանքել է Էրդողանի մեղադրանքներին
Քաղաքականություն
20.05.2022 | 20:27
Շվեդիան արձագանքել է Թուրքիայի նախագահ Ռեջեփ Թայիփ Էրդողանի մեղադրանքներին, թե Ստոկհոլմը մեղմ է վերաբերվում ու աջակցում է ահաբեկչությանը, գրում է Politico-ն։
Հիշեցնենք՝ Թուրքիայի նախագահ Ռեջեփ Թայիփ Էրդողանն արգելափակում է Շվեդիայի և Ֆինլանդիայի միացումը ՆԱՏՕ-ին՝ պնդելով, որ այս երկրներն աջակցում են Քուրդստանի աշխատավորական կուսակցությանը (PKK) և նրա սիրիական խմբավորմանը՝ Ժողովրդի պաշտպանության ջոկատներին (YPG):
Շվեդիայի ԱԳ նախարար Անն Լինդեն թվիթերյան գրառմամբ հերքել է Էրդողանի պնդումները։
«Շվեդիայի և PKK-ի մասին լայնորեն տարածված ապատեղեկատվության պատճառով մենք կցանկանայինք հիշեցնել, որ Շվեդիայի կառավարությունը Թուրքիայից հետո առաջինն էր, որ PKK-ն ահաբեկչական կազմակերպությունների շարքը դասեց դեռ 1984 թվականին»,- գրել է Լինդեն՝ նշելով, որ ԵՄ-ն դրան հետևել է 2002 թվականին։
Լինդեն հավելել է, որ Շվեդիայի դիրքորոշումը մնում է անփոփոխ։
Էմմա Չոբանյան
