16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
ԵՄ-ն Ուկրաինային 600 մլն եվրոյի նոր տրանշ է վճարել
Քաղաքականություն
20.05.2022 | 18:43
Եվրամիությունը Ուկրաինային 600 մլն եվրոյի նոր տրանշ է վճարել։ Միջոցները մակրոֆինանսական աջակցության մաս են կազմում։ Այս մասին ուրբաթ՝ մայիսի 20-ին, Twitter-ում հայտնել է Եվրահանձնաժողովի նախագահ Ուրսուլա ֆոն դեր Լեյենը։
«Այսօր մենք 600 միլիոն եվրոյի նոր տրանշ ենք վճարել Ուկրաինային որպես մակրոֆինանսական օգնություն: Ավելին կհետևի․ մենք Ուկրաինային լրացուցիչ 9 միլիարդ ենք առաջարկել 2022 թվականին»,- գրել է նա:
Եվրահանձնաժողովի ղեկավարը հավելել է, որ բացի ֆինանսական օգնությունից, ԵՄ-ն կաշխատի վերակառուցման հարթակի վրա, որպեսզի օգնի վերականգնել Ուկրաինան որպես ազատ և ժողովրդավարական երկիր։
Ավելի վաղ հաղորդվել էր, որ ԱՄՆ Սենատը վերջնականապես հավանություն է տվել Ուկրաինային 40 միլիարդ դոլար արժողությամբ շտապ ռազմական ու հումանիտար օգնության փաթեթին։
Ավելի վաղ նաև G7-ի երկրներն էին որոշել Ուկրաինային 18,4 միլիարդ դոլարի չափով ֆինանսական օգնություն տրամադրել։
Տաթև Ֆռանգյան
