16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
ԱՄՆ-ն Ուկրաինային 100 միլիոն դոլարի ռազմական տեխնիկա կտրամադրի՝ ի լրումն 40 միլիարդ դոլարի օգնության
Քաղաքականություն
20.05.2022 | 17:29
ԱՄՆ-ը հայտարարել է Ուկրաինային 100 միլիոն դոլար արժողությամբ ռազմական տեխնիկա տրամադրելու մասին՝ ի հավելումն հինգշաբթի Կոնգրեսի կողմից հաստատված 40 միլիարդ դոլարի օգնության, գրում է VOA-ն:
Նոր փաթեթը ներառում է 18 հաուբից և հակահրետանային ռադիոտեղորոշիչ համակարգեր՝ ի լրումն նրանց, որոնք արդեն մատակարարվել են Ուկրաինային՝ փետրվարի 24-ին այդ երկիր ռուսական ներխուժման սկզբից ի վեր։
Պենտագոնի խոսնակ Ջոն Քիրբին ասել է, որ սարքավորումները հասանելի կլինեն ուկրաինական ուժերին «շատ, շատ շուտով»:
Վերջին մատակարարմամբ՝ Ուկրաինային ԱՄՆ-ի ռազմական օգնությունը կկազմի մոտ 4 միլիարդ դոլար՝ փետրվարի 24-ից ի վեր, և 6,6 միլիարդ դոլար՝ 2014 թվականից ի վեր, երբ Ռուսաստանը բռնակցեց ուկրաինական Ղրիմը: Քիրբին հայտարարել է, որ ԱՄՆ-ը կխորհրդակցի Ուկրաինայի հետ, ինչպես դա հաճախ անում է ՌԴ ռազմական ներխուժումից հետո, երկրի ռազմական սարքավորումների կարիքների վերաբերյալ:
Հավելենք, որ Ուկրաինայի նախագահ Վլադիմիր Զելենսկին շնորհակալություն է հայտնել Միացյալ Նահանգներին 40 միլիարդ դոլար արժողությամբ օգնության փաթեթի համար։
Տաթև Ֆռանգյան
