16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Ռազմավարական հարաբերություններ են․ Էրդողանը հայտարարել է, որ Թուրքիան չի կարող հրաժարվել Ռուսաստանից
Քաղաքականություն
19.05.2022 | 16:01
Թուրքիան չի կարող հրաժարվել Ռուսաստանի հետ հարաբերություններից։ Այս մասին հայտարարել է Թուրքիայի նախագահ Ռեջեփ Թայիփ Էրդողանը երիտասարդների հետ հանդիպմանը, գրում է ՌԻԱ Նովոստին։
Նա նշել է, որ Անկարան կապեր ունի և՛ Մոսկվայի, և՛ Կիևի հետ։
«Ռուսաստանի հետ մենք «Աքքույու» ԱէԿ-ի նախագիծն ունենք։ Հաջորդ տարի մենք կավարտենք այդ նախագիծն ու կբացենք այն։ Դա մեզ համար շատ լուրջ աղբյուր է»,- ասել է Էրդողանը։
Բացի այդ, նրա խոսքով, Թուրքիան Ռուսաստանից ստանում է իրեն անհրաժեշտ գազի կեսը։
«Դա մեզ համար ռազմավարական հարց է, ռազմավարական հարաբերություն։ Մենք չենք կարող դրանցից հրաժարվել, դրանք խզել»,- ասել է Էրդողանը։
Նա նաև հավելել է, որ որևէ մտադրություն չունի հարաբերությունները խզելու ո՛չ Ռուսաստանի, ո՛չ էլ Ուկրաինայի նախագահի հետ։
«Շարունակում եմ հեռախոսային դիվանագիտությունը ինչպես Պուտինի, այնպես էլ Զելենսկիի հետ։ Ես իմ հատուկ ներկայացուցչին ուղարկեցի Մոսկվա և Կիև: Մենք կշարունակենք մեր քաղաքականությունը, նոր համաշխարհային պատերազմը ոչ մեկին ձեռնտու չէ»,- ասել է Էրդողանը։
Հավելենք, որ Թուրքիայի իշխանությունները հրաժարվում են միանալ ՌԴ-ի դեմ Արևմուտքի պատժամիջոցներին, հակառակը, ռուս օլիգարխներին ու գործարարներին հրավիրում է երկիր՝ ներդրումների ու համագործակցության։
Էմմա Չոբանյան
