17.12.2025 | 12:45
Ավինյանի անունը հանել եմ, նույնաբովանդակ հաղորդում ներկայացրել, քրեական վարույթ է հարուցվել․ Չախոյան․ ՏԵՍԱՆՅՈՒԹ
ԵՄ պատժամիջոցների վեցերորդ փաթեթը դեռևս արգելափակված է
Քաղաքականություն
19.05.2022 | 14:32
Ռուսաստանի դեմ ԵՄ պատժամիջոցների վեցերորդ փաթեթը դեռևս արգելափակված է. Այս մասին իտալական Rai News 24 հեռուստաալիքի եթերում հայտարարել է տնտեսական հարցերով եվրահանձնակատար Պաոլո Ջենտիլոնին, գրում է Forbes-ը։
«Մենք շատ արագ և միաձայն ընդունեցինք պատժամիջոցների հինգ փաթեթ։ Բայց վեցերորդ փաթեթը, հայտնի պատճառներով, այժմ կանգնած է»,- ասել է նա։
Միաժամանակ, նա հույս է հայտնել, որ պայմանավորվածության հասնելու հարցում առաջընթաց կարձանագրվի։
«Ես լավատես եմ փոխզիջում գտնելու հեռանկարների հարցում»,- ասել է Ջենտիլոնին։
Ըստ Bloomberg-ի պրոֆիլային թղթակից Խավիեր Բլասի` ԵՄ-ն արդեն պատրաստ է 2 միլիարդ եվրո հատկացնել ռուսական նավթից ամենից կախված երկրներին, սակայն Հունգարիան պահանջել է 15-18 միլիարդ եվրո:
ԵՄ-ն դիտարկում է Հունգարիային դրամական փոխհատուցման հնարավորությունը Ռուսաստանի Դաշնության դեմ պատժամիջոցների վեցերորդ փաթեթին աջակցելու համար, որը նախատեսում է ռուսական նավթի ներմուծման աստիճանական դադարեցում, հայտնում է Politico-ն՝ վկայակոչելով եվրոպացի պաշտոնյաներին։
Հունգարիայի արտաքին գործերի նախարար Պետեր Սիյարտոն հայտարարել է, որ Ռուսաստանի նավթից ազատվելու համար երկրին անհրաժեշտ է 700-750 միլիոն եվրո, ապա ասել, որ ռուսական նավթից հրաժարվելն արդեն կարժենա 15-18 միլիարդ եվրո և կտևի շուրջ հինգ տարի:
Եվրահանձնաժողովը պատրաստ է գումար հատկացնել Հունգարիային նոր նավթամուղերի կառուցման համար, որպեսզի վերջինy հրաժարվի Ռուսաստանի դեմ նավթային էմբարգո սահմանելու վետոjից։ ԵՄ պատժամիջոցների սահմանումը պահանջում է դրա անդամ բոլոր 27 երկրների հավանությունը։ Հունգարիայի վարչապետ Վիկտոր Օրբանի կառավարությունը ներկայում արգելափակում է այն՝ պատճառաբանելով, որ մեծ կախվածություն ունի ռուսական նավթից:
«Էմբարգոն հավասարազոր կլինի միջուկային ռումբի, որը նետվել է հունգարական տնտեսության վրա», – հայտարարել է Օրբանը:
Տաթև Ֆռանգյան
