16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Թուրքիան արգելափակել է Ֆինլանդիայի և Շվեդիայի՝ ՆԱՏՕ-ին միանալու շուրջ բանակցությունների մեկնարկը․ ԶԼՄ-ներ
Քաղաքականություն
18.05.2022 | 17:48
Թուրքիան արգելափակել է Շվեդիայի և Ֆինլանդիայի՝ ՆԱՏՕ-ին անդամակցության հարցով բանակցությունների մեկնարկը։ Այս մասին հայտնում է DPA գործակալությունը՝ վկայակոչելով կազմակերպությունում իր աղբյուրներին, գրում է ՏԱՍՍ-ը։
Աղբյուրների տվյալներով՝ ՆԱՏՕ-ում այսօր նախատեսված է եղել քննարկել Ֆինլանդիայի և Շվեդիայի դեսպանների կողմից ներկայացված դիմումները՝ ՆԱՏՕ-ին իրենց պետությունների միանալու համար, ինչը կնշանակեր կազմակերպությանն անդամակցելու գործընթացի մեկնարկ, սակայն Անկարայի դիրքորոշման պատճառով բանակցությունները չեն մեկնարկել։ Լրատվամիջոցը գրում է, որ թուրքական կողմը հստակ հասկացրել է, որ ներկայում չի կարող հավանություն տալ դրանց մեկնարկին։
Հավելենք, որ ՆԱՏՕ-ում Ֆինլանդիայի և Շվեդիայի դեսպաններ Կլաուս Կորհոնենը և Աքսել Վերնհոֆն այսօր պաշտոնապես ՆԱՏՕ-ի գլխավոր քարտուղար Յենս Ստոլտենբերգին են ներկայացրել իրենց երկրների՝ դաշինքին միանալու դիմումները։
Միաժամանակ, Թուրքիայի նախագահ Ռեջեփ Թայիփ Էրդողանն այսօր ևս մեկ անգամ հայտարարել է, որ Անկարան չի կարող «այո» ասել ՆԱՏՕ-ին Շվեդիայի և Ֆինլանդիայի անդամակցությանը։
Էմմա Չոբանյան
