16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Չավուշօղլուն Նյու Յորքում հայտարարել է, որ Թուրքիան ցանկանում է լուծել ԱՄՆ-ի հետ առկա խնդիրները
Քաղաքականություն
18.05.2022 | 14:56
Թուրքիան ցանկանում է լուծել ԱՄՆ-ի հետ խնդիրները։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ ելույթ ունենալով Նյու Յորքում Turkevi (Թուրքական տուն) կենտրոնում, գրում է «Անադոլու» գործակալությունը։
Նա հիշեցրել է անցյալ տարի Հռոմում կայացած ԱՄՆ նախագահ Ջո Բայդենի և Թուրքիայի նախագահ Ռեջեփ Թայիփ Էրդողանի հանդիպումը։
«Մենք ռազմավարական մեխանիզմ ենք գործարկել պարոն Բայդենի առաջարկով։ Աշխարհում առկա ճգնաժամերի շրջանակում մենք ԱՄՆ-ի հետ կքննարկենք, թե ո՞ր ոլորտներում կարող ենք զարգացնել մեր հարաբերությունները՝ որպես այս մեխանիզմի մաս։ Հուսով եմ՝այս մեխանիզմի շրջանակում մենք կարող ենք լուծել կամ նվազեցնել խնդիրներն ու բարելավել մեր համագործակցությունը՝ աշխատելով արդյունքի վրա հիմնված մոտեցմամբ»,- ասել է Չավուշօղլուն։
Հիշեցնենք, որ ապրիլի 4-ին ԱՄՆ պետքարտուղարի տեղակալ Վիկտորյա Նուլանդի՝ Թուրքիա կատարած այցի ժամանակ գործարկվեց ԱՄՆ-Թուրքիա ռազմավարական մեխանիզմը։
Ի դեպ՝ Չավուշօղլուն ԱՄՆ այցի ընթացքում առանձին հանդիպում է ունենալու պետքարտուղար Էնթոնի Բլինքենի հետ։
Էմմա Չոբանյան
