19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
«Ազովստալ»-ից տարհանվել է ավելի քան 260 զինվորական․ Ուկրաինայի ՊՆ
Քաղաքականություն
17.05.2022 | 12:55
Ավելի քան 260 ուկրաինացի զինծառայող է տարհանվել Մարիուպոլի «Ազովստալ» գործարանի արգելափակված տարածքից։ Այս մասին Ուկրաինայի պաշտպանության փոխնախարար Աննա Մալյարը, գրում է DW-ի ռուսական ծառայությունը։
Նրա խոսքով՝ 53 ծանր վիրավոր մարտիկներ տեղափոխվել են Նովոազովսկի բժշկական հաստատություն, ևս 211 մարդ մարդասիրական միջանցքով ուղարկվել է Օլենևկա։ Երկու քաղաքներն էլ գտնվում են, այսպես կոչված, Դոնեցկի հանրապետության իշխանությունների վերահսկողության տակ։
«Հետագայում նրանց տուն վերադառնալու համար կիրականացվի փոխանակման ընթացակարգ։ Ցավոք, Մարիուպոլը ռազմական ճանապարհով ապաշրջափակելն անհնար է: Այժմ ամենակարևորը մեր զինվորականների կյանքը փրկելն է»,- ասել է Մալյարը։
Ուկրաինայի ԶՈՒ Գլխավոր շտաբը հայտնել է, որ Մարիուպոլի կայազորը կատարել է մարտական առաջադրանքը, «Ազովստալ»-ում տեղակայված ստորաբաժանումների հրամանատարներին հանձնարարվել է փրկել անձնակազմի կյանքը։
«Մարիուպոլի պաշտպանները մեր ժամանակի հերոսներն են, նրանք հավերժ են պատմության մեջ»,- ասել են Գլխավոր շտաբում։
Տաթև Ֆռանգյան
