08.06.2026 | 15:36
ՄԻՊ ներկայացուցիչներն այցելել են «Զվարթնոցում» ձերբակալված Հովհաննես Սահակյանին
Փաշինյանը քննադատել է ՀԱՊԿ վարքը․ ՀՀ ԶՈւ-ն զորավարժություն կանցկացնի Քոչունցի ղեկավարությամբ․ Լուրեր
Տեսանյութեր
16.05.2022 | 19:03
- Վարչապետ Նիկոլ Փաշինյանը այսօր ՀԱՊԿ անդամ պետությունների ղեկավարների նիստի ժամանակ հայտարարել է, որ 2020 թվականի աշնանը Լեռնային Ղարաբաղում պատերազմի ժամանակ և պատերազմից հետո ՀԱՊԿ անդամ երկրների արձագանքն այնքան էլ չի գոհացրել Հայաստանին և հայ ժողովրդին։ Փաշինյանն ասել է, որ նախորդ տարվա այս օրերին էլ, երբ Ադրբեջանի զորքերը ներխուժեցին Հայաստանի ինքնիշխան տարածք, Երևանը դիմեց ՀԱՊԿ-ին, սակայն կազմակերպությունը չարձագանքեց այնպես, ինչպես ակնկալում էր Հայաստանը։
- Փաշինյանը խոսել է նաև ՀԱՊԿ անդամ պետությունների կողմից Ադրբեջանին զենքի մատակարարումների մասին ու նշել է, որ այդ զենքն ի վերջո օգտագործվում էր Հայաստանի և հայ ժողովրդի դեմ, և դա նույնպես խնդիր է։
- ՀԱՊԿ ղեկավարները համատեղ հայտարարություն են ընդունել, որի համաձայն՝ իրենք կարևոր են համարում մայրցամաքում լարվածության թուլացումը, հաստատում են ՆԱՏՕ-ի հետ համագործակցություն հաստատելու իրենց պատրաստակամությունը։
- Մայիսի 17-ից 21-ը Հայաստանի զինված ուժերում անցկացվելու է հրամանատարաշտաբային զորավարժություն՝ բրիգադի կազմով, պայմանական հակառակորդի ագրեսիայի սպառնալիքի պայմաններում առկա ուժերով և միջոցներով պաշտպանողական օպերացիայի նախապատրաստման ու վարման թեմայով։ Զորավարժությունն անցկացվելու է ԶՈւ գլխավոր շտաբի պետի պարտականությունների ժամանակավոր կատարող, գեներալ-լեյտենանտ Կամո Քոչունցի ղեկավարությամբ։
Այս ժամի լուրերը՝ տեսանյութում։
