07.02.2026 | 14:35
«Տառերի պուրակ» տանող ճանապարհահատվածի խցանումը վերացվել է, երթևեկությունը՝ վերականգնվել. ՆԳՆ
Զելենսկին հայտարարել է, որ Մակրոնը առաջարկել է Ուկրաինային գնալ զիջումների՝ «օգնելու փրկել Պուտինի դեմքը»
Քաղաքականություն
13.05.2022 | 22:34
Ուկրաինայի նախագահ Վլադիմիր Զելենսկին իտալական Rai 1 հեռուստաալիքին տված հարցազրույցում պատմել է, որ Ֆրանսիայի նախագահ Էմանունել Մակրոնը Կիևին առաջարկել է «գնալ «զիջումների ինքնիշխանության հարցում, որպեսզի օգնի Ռուսաստանի նախագահ Վլադիմիր Պուտինին փրկելու դեմքը», գրում է currenttime.tv-ին։
Հաղորդավարը հիշեցրել է բանակցությունների մասին, որոնք վարել է Մակրոնը ու հարցրել է , թե ինչ ելք կարող է լինել Ռուսաստանի համար ստեղծված իրավիճակից։
«Նա ինձ առաջարկում էր որոշ բաներ՝ կապված մեր ինքնիշխանության զիջման հետ կապված, որպեզի փրկի նախագահ Պուտին դեմքը։ Ինձ թվում է, որ դա այնքան էլ կոռեկտ չէ առաջնորդների կողմից։ Մենք պատրաստ չենք ինչ-որ մեկի համար ինչ-որ բան փրկել և դրա համար կորցնել մեր տարածքները»,-ասել է Ուկրաինայի նախագահը՝ չմանրամասնելով, ինչ է իրեն կոնկրետ առաջարկել Մակրոնը։
Զելենսկին հավելել է, որ նախկինի պես պատրաստ է հանդիպել Պուտինի հետ, բայց առանց նախապայմանների և վերջնագրերի։
Ավելի վաղ էլ Կրեմլի խոսնակ Դմիտրի Պեսկովն ասել էր, որ նման հանդիպում հնարավոր է միայն փաստաթղթեր ստորագրելու, այլ ոչ թե որևէ հարց քննարկելու համար։
Էմմա Չոբանյան
