13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ադրբեջանի, Վրաստանի և Թուրքիայի խորհրդարանների հանձնաժողովները նիստ են անցկացնելու հայկական Շուշիում
Քաղաքականություն
13.05.2022 | 20:54
Ադրբեջանի իշխանությունները Արցախի գրավյալ Շուշիում հերթական միջոցառումն են պատրաստվում անցկացնել։ Ադրբեջանական լրատվամիջոցները հաղորդում են, որ հայկական քաղաքում հաջորդ շաբաթ տեղի է ունենալու Ադրբեջանի, Վրաստանի ու Թուրքիայի խորհրդարանների արտաքին հարաբերությունների հանձնաժողովների եռակողմ հանդիպումը։
Նշվում է, որ հանդիպումը անցկացվելու է մայիսի 22-ին։ Օրակարգի մասին դեռևս տեղեկություններ չկան։
Նշենք, որ ավելի վաղ Թբիլիսիում իր վրացի գործընկերոջ՝ Շալվա Պապուլաշվիլիի հետ ճեպազրույցում այս հանդիպման անցկացման մասին ազդարարել էր Ադրբեջանի Միլլի Մեջլիսի նախագահ Սահիբա Գաֆարովան։
Ի դեպ, Վրաստանում Ադրբեջանի դեսպանատունն ու ադրբեջանական պետական նավթային SOCAR ընկերության տեղական ներկայացուցչությունը պարբերաբար կազմակերպում են վրացի փորձագետների, լրագրողների բլոգերների ու տարբեր գործիչների այցը հայկական Շուշի։
Էմմա Չոբանյան
