27.03.2026 | 11:17
Մհեր Գրիգորյանը մասնակցել է Եվրասիական միջկառավարական խորհրդի նիստին
Վահան Նարիբեկյանը մասնակցել է ԱլԳ երկրների խորհրդարանների գլխավոր քարտուղարների ցանցի հերթական աշխատանքային հանդիպմանը
Քաղաքականություն
13.05.2022 | 18:08
ՀՀ Ազգային ժողովի աշխատակազմի ղեկավար-գլխավոր քարտուղար Վահան Նարիբեկյանը մայիսի 10-ին մասնակցել է Արեւելյան գործընկերության երկրների խորհրդարանների գլխավոր քարտուղարների ցանցի հերթական աշխատանքային հանդիպմանը, որն անցկացվել է հեռավար. տեղեկացնում են ՀՀ ԱԺ-ից։
Հանդիպման ընթացքում քննարկվել են մի շարք հարցեր, որոնք վերաբերել են Արեւելյան գործընկերության երկրների խորհրդարանների համագործակցության հեռանկարներին եւ գործընկերային հարաբերությունների զարգացմանը:
Հանդիպմանը մասնակցել են նաեւ Վրաստանի խորհրդարանի գլխավոր քարտուղար Քեթեւան Կվինիկաձեն, Մոլդովայի Հանրապետության խորհրդարանի գլխավոր քարտուղար Թամարա Գեորգիտան, Ուկրաինայի Գերագույն ռադայի աշխատակազմի ղեկավար Վյաչեսլավ Շտուչնին, ինչպես նաեւ խորհրդարանների այլ եւ Գերմանական միջազգային համագործակցության ծրագրի (GIZ) տարածաշրջանի երկրների ներկայացուցիչներ:
Հանդիպման ընթացքում Վահան Նարիբեկյանը ներկայացրել է ՀՀ Ազգային ժողովի աշխատակազմի կողմից իրականացվող աշխատանքները, ինչպես նաեւ աշխատակազմի սահմանած առաջնահերթությունները, մարտահրավերները եւ կարեւորել աշխատակազմերի կարողությունների շարունակական զարգացման ծրագրերն ու փորձի փոխանակումը, մասնավորապես, տեղեկատվական-վերլուծական հմտությունների զարգացման հարցերում:
ԱԺ աշխատակազմի ղեկավար-գլխավոր քարտուղարն ընդգծել է, որ Հայաստանի Ազգային ժողովի աշխատակազմը պատրաստ է համագործակցության եւ իր ռեսուրսների շրջանակում կաջակցի անդամ պետությունների միջխորհրդարանական հարաբերությունների առավել խորացմանը եւ զարգացմանը:
Արեւելյան գործընկերության երկրների խորհրդարանների գլխավոր քարտուղարների ցանցը ստեղծվել է 2018 թ. Թբիլիսիի հուշագրով: Ցանցի նպատակն Արեւելյան գործընկերության երկրների խորհրդարանների աշխատակազմերի կարողությունների զարգացումն ու մարդկային ռեսուրսի հզորացումն է: 2019-2020 թթ. Հայաստանի Հանրապետությունը ստանձնել էր Արեւելյան գործընկերության երկրների խորհրդարանների գլխավոր քարտուղարների ցանցի նախագահությունը:
