10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
Բրիտանիան պատժամիջոցներ է սահմանել Ալինա Կաբաևայի և Պուտինի նախկին կնոջ նկատմամբ
Քաղաքականություն
13.05.2022 | 17:31
Մեծ Բրիտանիան պատժամիջոցներ է սահմանել նախկին մարմնամարզուհի Ալինա Կաբաևայի ու ևս 11 անձանց նկատմամբ, որոնք, ըստ բրիտանական իշխանությունների, Ռուսաստանի նախագահ Վլադիմիր Պուտինի մերձավոր շրջապատի մաս են կազմում, գրում է BBC-ի ռուսական ծառայությունը։
The Wall Street Journal-ը գրել է, որ Կաբաևայի դեմ պատժամիջոցներ են պատրաստել նաև ԱՄՆ-ի իշխանությունները, սակայն «վախենում են բարկացնել» Պուտինին։ Պարբերականը պնդում է, որ Կաբաևան Պուտինից երեք երեխա է լույս աշխարհ բերել։
Պատժամիջոցների ցանկում են նաև Կաբաևայի տատիկը՝ Աննա Զացեպիլինան, Պուտինի նախկին կինը՝ Լյուդմիլա Օչերետնայան, նախագահի զարմիկ Իգոր Պուտինը, նրա որդին՝ Ռոման Պուտինը, մեկ այլ զարմիկ՝ Միխայիլ Պուտինը, ինչպես նաև «Գազֆոնդ» կենսաթոշակային հիմնադրամի ղեկավար Յուրի Շամալովը, ում Մեծ Բրիտանիայի ԱԳՆ-ն անվանում է Պուտինի նախկին փեսա Կիրիլ Շամալովի եղբայրը, ով փետրվարի 24-ին հայտնվել է պատժամիջոցների տակ։
«Պատժամիջոցներն ուղղված են ստվերային ցանցի դեմ, որն ապահովում է շքեղ կենսակերպ Պուտինին»,- հայտարարել է Մեծ Բրիտանիայի ԱԳՆ ղեկավար Լիզ Թրասը՝ հավելելով․ «Մենք կշարունակենք պատժամիջոցներ կիրառել բոլոր նրանց դեմ, ովքեր աջակցում են պուտինյան արգրեսիային, մինչև Ուկրաինան հաղթի»։
Տաթև Ֆռանգյան
