18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱՊՀ երկրների արտգործնախարարների հանդիպմանը քննարկվել է ՌԴ-ի նկատմամբ պատժամիջոցների պայմաններում փոխօգնությունը
Քաղաքականություն
13.05.2022 | 15:27
Դուշանբեում կայացած հանդիպմանը ԱՊՀ երկրների արտգործնախարարները քննարկել են Ուկրաինայում տեղի ունեցող իրադարձությունները և արտաքին պատժամիջոցների ներդրման պատճառով ստեղծված իրավիճակը։ Այս մասին լրագրողներին ասել է ԱՊՀ գործադիր կոմիտեի նախագահ Սերգեյ Լեբեդևը ԱՊՀ անդամ երկրների արտգործնախարարների խորհրդի (ԱԳՆԽ) նիստից հետո, փոխանցումը ՏԱՍՍ-ը։
«Արտգործնախարարներն արտահայտել են իրենց պետությունների գնահատականներն ու դիրքորոշումները միջազգային արդի հարցերի շուրջ. իրավիճակը Ուկրաինայի շուրջ, մեր երկրների շուրջ՝ կապված արտաքին պատժամիջոցների հետ, իրավիճակը Աֆղանստանում և Աֆղանստանի շուրջ, և այլ թեմաներ, որոնք հուզում են մեր պետություններին»,- ասել է Լեբեդևը։
«Առանձին պատվիրակությունների ղեկավարներից կոչեր եղան, որ հրամայական է օգնել միմյանց՝ հաղթահարելու արտաքին պատժամիջոցների պատճառով առաջացած տնտեսական դժվարությունները», – ընդգծել է նա։
Տաթև Ֆռանգյան
