16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Կորոնավիրուսի բռնկում Հյուսիսային Կորեայում. այն 6 կյանք է խլել, ավելի քան 18 հազար մարդ վարակվել է
Քաղաքականություն
13.05.2022 | 14:43
Հյուսիսային Կորեայում կորոնավիրուսի բռնկման հետևանքով վեց մարդ է մահացել, որն իշխանությունները համարում են պատմության մեջ առաջին համաճարակը։ Ընդհանուր առմամբ, հայտնաբերվել է վարակի ավելի քան 18 հազար դեպք, հայտնում է Կորեայի կենտրոնական լրատվական գործակալությունը (KCNA), փոխանցում է BBC-ի ռուսական ծառայությունը:
Նախօրեին Հյուսիսային Կորեայի իշխանությունները հայտնել են Փհենյանում կորոնավիրուսի «օմիկրոն» շտամով վարակման առաջին դեպքի մասին. կորոնավիրուսը հայտնաբերվել է մայիսի 8-ին թեստ հանձնած բնակչի մոտ:
Դրանից հետո ողջ երկրում «առավելագույն արտակարգ» ռեժիմ է սահմանվել և հայտարարվել արգելափակում։ Ուրբաթ հյուսիսկորեական լրատվամիջոցները խոստովանել են, որ բռնկումը տարածվել է մայրաքաղաքից դուրս:
«Տենդը, որի պատճառը չի հաջողվել պարզել, սկսել է արագորեն տարածվել ամբողջ երկրում ապրիլի վերջից»,- ասվում է KCNA-ի հայտարարության մեջ:
Հաղորդվում է նաև, որ այս «տենդից» տուժել է 350 հազար մարդ, 162 հազարը կարանտինի մեջ է և ապաքինվել է։
Տաթև Ֆռանգյան
