16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Լավրովն ու Բայրամովը Բաքվի և Երևանի հարաբերությունների կարգավորման հարցեր են քննարկել
Քաղաքականություն
12.05.2022 | 17:44
Ռուսաստանի և Ադրբեջանի ԱԳ նախարարներ Ջեյհուն Բայրամովը և Սերգեյ Լավրովն այսօր Դուշանբեում ԱՊՀ արտգործնախարարների խորհրդի նիստի շրջանակում կայացած հանդիպմանը քննարկել են երկկողմ կապերի զարգացումը և Բաքվի ու Երևանի միջև հարաբերությունների կարգավորումը։ Այս մասին հայտնել է Ադրբեջանի ԱԳՆ մամուլի ծառայությունը, փոխանցում է ՏԱՍՍ-ը։
«Նախարարները քննարկել են տարբեր ուղղություններով երկու երկրների հարաբերությունների զարգացումը: Կողմերը մտքեր են փոխանակել տարածաշրջանում տիրող իրավիճակի շուրջ, ևս մեկ անգամ ընդգծել են եռակողմ (Ղարաբաղի վերաբերյալ) հայտարարությունների լիարժեք իրականացման կարևորությունը խաղաղության և անվտանգության ապահովման համար, նշվել է Ադրբեջանի և Հայաստանի միջև հարաբերությունների կարգավորմանն ուղղված քայլերի կարևորությունը»,- ասվում է հաղորդագրությունում։
Ըստ Ադրբեջանի ԱԳՆ-ի՝ Բայրամովի և Լավրովի հանդիպմանը քննարկվել են նաև «տարածաշրջանային և միջազգային անվտանգության օրակարգի» հարցեր։
Տաթև Ֆռանգյան
