07.02.2026 | 19:00
Նորագյուղում Դուբայի պես երկնաքերեր են կառուցում,բայց բուսաբանական այգին չեն բարեկարգում. Մնացականյան. ՏԵՍԱՆՅՈՒԹ
Սահմանի ռուսական կողմում առաջին մարդկային կորուստը. ինչ է հայտնի Բելգորոդի գյուղի հրետակոծության մասին
Քաղաքականություն
12.05.2022 | 22:57
Մեկ մարդ մահացել է, յոթը՝ վիրավորվել Բելգորոդի շրջանի Սոլոխի գյուղում, որը գնդակոծության տակ է հայտնվել։ Այս մասին ասվում է նահանգապետ Վյաչեսլավ Գլադկովի հայտարարության մեջ։ Այս շրջանի բնակավայրերը պարբերաբար կրակի տակ են հայտնվում, սակայն ո՛չ Բելգորոդում, ո՛չ այլ շրջաններում մինչ այժմ մարդկային կորուստներ չեն եղել, մինչդեռ Ուկրաինայում, ՄԱԿ-ի տվյալներով, զոհված խաղաղ բնակիչների թիվը հասել է 3,5 հազարի, գրում է BBC-ի ռուսական ծառայությունը ։
Ինչպես Ուկրաինային սահմանակից շրջանների մյուս նահանգապետերը՝ Գլադկովն էլ իր Telegram-յան ալիքում է հայտնում Ուկրաինա ՌԴ ռազմական գործողությունների հետ կապված իրադարձությունների մասին։
«Յոթ վիրավոր և մեկ զոհ է գրանցվել ուշ գիշերը։ Դաշնային տելեգրամյան ալիքները գրում են ևս մեկ մահացածի՝ 14-ամյա տղայի մասին։ Ես հայտնում եմ, որ դա այդպես չէ։ Տղան ողջ է և գտնվում է մարզային հիվանդանոցում»,- գրել է նահանգապետն առավոտյան։
Նա հրապարակել է գնդակոծության հետևանքների լուսանկարները։ Նահանգապետի տվյալների համաձայն՝ տուժել է 17 տնային տնտեսություն ու 6 ավտոմեքենա, կոտրվել են դպրոցի, փոստային բաժանմունքի ու խանութի ապակիները։ Գյուղի տները չեն այրվում, այրվում են գյուղից դուրս աճող եղեգները՝ ընդգծել է Գլադկովը։
Գյուղն ուղիղ գծով գտնվում է Ուկրաինայի սահմանից մոտ 20 կիլոմետր հեռավորությամբ։ Բոլոր բնակիչները կտեղափոխվեն անվտանգ վայր, ասել է Բելգորոդի շրջանի ղեկավարը։
Նշենք, որ ուկրաինական կողմը պաշտոնապես չի մեկնաբանել Սոլոխի գյուղի գնդակոծությունը։
Տաթև Ֆռանգյան
