10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
«Նուբարաշեն» ՔԿՀ-ի հացադուլավորների խցերը խայտառակ վիճակում են. Զառա Հովհաննիսյան․ ՏԵՍԱՆՅՈՒԹ
Հասարակություն
12.05.2022 | 13:07
Մարդու իրավունքների եվրոպական դատարանը մայիսի 3-ին Հայաստանի դեմ վճիռ է կայացրել՝ արձանագրելով Վոլոդյա Ավետիսյանի իրավունքների խախտումը:
Արձանագրվել է, որ «Նուբարաշեն» քրեակատարողական հիմնարկում խցային պայմանները անմարդկային են։ Դրա դեմ դատական բողոքարկումները արդյունավետ չեն եղել։
«ՔԿՀ-ներում իրավիճակը մինչ այժմ էլ ցանկալիից հեռու է, թեև այս գործով մենք խոսում ենք 2015 թվականի մասին»,- ««Նուբարաշեն» ՔԿՀ-ում անձին պահել են անմարդկային պայմաններում. ՄԻԵԴ-ն ընդդեմ Հայաստանի» թեմայով քննարկման ժամանակ այս մասին նշեց ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի նախագահ Զարուհի Հովհաննիսյանը:
Իրավապաշտպանը հայտարարեց, որ «Նուբարաշեն» ՔԿՀ-ի հացադուլավորների խցերը խայտառակ վիճակում են։
«Այսօր ևս մենք ամենօրյա ռեժիմով դիտարկում ենք և գրություններ ենք հղում նախարարությանը՝ այդ թվում նաև պահման պայմանների վերաբերյալ, թե՛ «Նուբարաշեն» ՔԿՀ-ում, որտեղ հացադուլավորների պահման խցերն ահավոր են, թե՛ «Աբովյան» ՔԿՀ-ում: Այսինքն, դա խնդիր է, որը Հայաստանում դեռևս մնում է հրատապ: Նաև ստացել ենք նախարարության արձագանքը, որ խնդիրը կա և դրված է լուծման ընթացակարգում»,- նշեց Հովհաննիսյանը:
Մանրամասները՝ տեսանյութում:
