16.09.2026 | 15:00
Վարսավիրանոցից են օգտվում, սրճարաններից. Ֆարմանյանը` 102-րդ ռազմաբազայի և իր նշած 15 հազար աշխատատեղի մասին․ ՏԵՍԱՆՅՈՒԹ
Մեծ Բրիտանիան և Շվեդիան անվտանգության փոխադարձ երաշխիքների մասին համաձայնագիր են ստորագրել
Քաղաքականություն
11.05.2022 | 19:22
Մեծ Բրիտանիան Շվեդիայի հետ համաձայնագիր է ստորագրել՝ հարձակման դեպքում անվտանգության փոխադարձ երաշխիքների մասին, գրում է BBC-ի ռուսական ծառայությունը։
Ակնկալվում է, որ նման համաձայնագիր ստորագրվելու է նաև Ֆինլանդիայի հետ։
Ի թիվս այլ հարցերի՝ համաձայնագիրը նախատեսում է հետախուզական տվյալների փոխանակման և համատեղ զորավարժությունների անցկացման հնարավորություն։
Երկու երկրները, որոնց ղեկավարության հետ այսօր հանդիպում է Մեծ Բրիտանիայի վարչապետ Բորիս Ջոնսոնը, շուտով որոշում կկայացնեն ՆԱՏՕ-ին անդամակցելու վերաբերյալ։ Շվեդիայի վարչապետի հետ բանակցություններից հետո Ջոնսոնը հայտարարել է «տխուր հեգնանքի մասին»։ Նրա խոսքով՝ ԵՄ երկրներն այժմ ստիպված են քննարկել, թե ինչպես ուժեղացնել պաշտպանությունը «21-րդ դարի բռնակալի դատարկ ունայնությունից»:
«Երբ Եվրոպան տոնում էր 1945 թվականի հաղթանակի օրը, հաղթանակ, որը մասամբ ապահովվեց ռուս ժողովրդի հերոսությամբ, մենք հույս ունեինք, որ մեր մայրցամաքում խաղաղությունը կպահպանվի»,- ասել է Ջոնսոնը։
Սակայն, ըստ նրա, Պուտինի «արյունալի արշավն ինքնիշխան ազգի դեմ վերջ է դրել հույսին ու ստեղծել նոր իրողություն, որին բախվել է Եվրոպան»։
Էմմա Չոբանյան
