26.11.2024 | 16:34
Ալեն Սիմոնյանը հրաժեշտի հանդիպում է ունեցել ՀՀ-ում Իտալիայի դեսպան Ալֆոնսո Դի Ռիզոյի հետ
Պուտինը ցանկանում է Ռուսաստանում ռազմական դրություն հայտարարել և պատերազմ սկսել Մերձդնեստրում․ ԱՄՆ հետախուզության ղեկավար
Քաղաքականություն
11.05.2022 | 12:36
Ռուսաստանի նախագահ Վլադիմիր Պուտինը, Ուկրաինայում «անհաջող հատուկ գործողության» ֆոնին, ամենայն հավանականությամբ, ռազմական դրություն կհայտարարի Ռուսաստանի Դաշնությունում և պատերազմ կսանձազերծի Մոլդովայից օկուպացված տարածքում, հայտարարել է ԱՄՆ Ազգային հետախուզության ղեկավար Ավրիլ Հեյնսը Սենատում ունեցած ելույթի ժամանակ։ Այս մասին հայտնում է Censor.NET-ը։
Հեյնսի խոսքով՝ Պուտինը որոշել է մարտերը ընդլայնել Ռուսաստանի կողմից վերահսկվող Մերձդնեստրի ուղղությամբ։
Միաժամանակ նա չի հստակեցրել՝ արդյոք Ռուսաստանի Դաշնությունն այժմ ներուժ ունի՞ իրականացնելու Պուտինի նման քմահաճույքը։
Բացի այդ, ամերիկյան հետախուզությանը հայտնի է դարձել, որ Ռուսաստանի առաջնորդը նաև ծրագրում է երկարատև պատերազմ վարել տարածաշրջանում՝ հուսալով, որ ԱՄՆ-ն և Եվրոպան «կկորցնեն վճռականությունը» նման ագրեսիային հակազդելու հարցում:
Հեյնսը հավելել է, որ Պուտինը կարող է Ռուսաստանում ռազմական դրություն մտցնել՝ Ուկրաինայի դեմ դիմակայությունում ուժերը մոբիլիզացնելու համար։ Այդուհանդերձ, չճանաչված Մերձդնեստրի ղեկավարները հերքում են Ուկրաինայի Գլխավոր շտաբի հաղորդագրությունն այն մասին, որ տարածաշրջանի ուժերը գտնվում են լիարժեք մարտական պատրաստության վիճակում։
