12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Սուրբ Սոֆիայի տաճարում վանդալիզմի հերթական դեպքն է տեղի ունեցել
Քաղաքականություն
10.05.2022 | 22:37
2020 թվականին մզկիթի վերածված Ստամբուլի Սուրբ Սոֆիայի տաճարում վանդալիզմի հերթական դեպքն է հայտնաբերվել։ Թուրքական լրատվամիջոցները գրում են, որ հնագետ Օմեր Ֆարուք Յավաշչայը թվիթերյան իր միկրոբլոգում կիսվել է վնասված կառույցի լուսանկարներով։
Յավաշչայը նշում է, որ Օսմանյան կայսրության ժամանակաշրջանի ջրի ամբարն է կոտրվել, ներսում և կողքին կոշիկներ են դրվել։
«Ես այս լուսանկարն արել եմ անցյալ երեկո (ապրիլ 24) ժամը 22։43-ին: Մարդիկ կոտրել են Օսմանյան ժամանակների ջրամբարի կափարիչը և իրենց կոշիկները դրել դրա մեջ և կողքը: Ոչ մեկին չի հետաքրքրում այս իրավիճակը։ Հնագույն կառույցը օգնության կարիք ունի»,- գրել է Յավաշչայը։
Հավելենք, որ վանդալիզմի նախորդ դեպքի մասին հայտարարել էր թուրքական արվեստի պատմաբանների ասոցիացիան՝ տեղեկացնելով, որ Սուրբ Սոֆիայի տաճարի ներսում գտնվող 1400-ամյա Կայսերական դարպասը վնասվել է անհայտ անձանց կողմից:
Կայսերական դարպասը գլխավոր մուտքն է դեպի Բյուզանդական կայսրության ժամանակաշրջանի եկեղեցի, որը բացառապես օգտագործվել է կայսեր կողմից։ Ավանդույթի համաձայն՝ դռները պատրաստվել են Նոյյան տապանի կաղնուց։ Վանդալիզմի այս դեպքը դատապարտել էր Հունաստանի ԱԳՆ-ն։
Էմմա Չոբանյան
