18.12.2025 | 11:00
Կառավարության նիստը՝ ՈՒՂԻՂ
ՌԴ ԱԳՆ-ն հայտարարել է, թե Ֆինլանդիայի անդամակցությունը ՆԱՏՕ-ին չի ամրապնդի երկրի անվտանգությունը
Քաղաքականություն
10.05.2022 | 20:42
ՌԴ ԱԳՆ-ն հայտարարել է, որ Ֆինլանդիայի անդամակցությունը ՆԱՏՕ-ին չի ամրապնդի երկրի անվտանգությունը։ Այս դեպքում ռուս զինվորականները կդիտարկեն «բոլոր անհրաժեշտ միջոցները»։ Այս մասին РосСМИ-ին հայտնել է ՌԴ արտաքին գործերի փոխնախարար Ալեքսանդր Գրուշկոն։
Նա, սակայն, չի հստակեցրել, թե ինչ միջոցների մասին է խոսքը, գրում է Korrespondent-ը։
«Հասկանալի է, որ անվտանգության տեսակետից մենք անտարբեր չենք մնա, մեր զինվորականները կքննարկեն բոլոր անհրաժեշտ միջոցները, որոնք կպահանջվեն՝ պաշտպանական օրինական շահերն ապահովելու համար»,- ասել է Գրուշկոն։
Նա հավելել է, որ «դա չի ամրապնդի ո՛չ բուն Ֆինլանդիայի, ո՛չ ՆԱՏՕ-ի անվտանգությունը»։
Հիշեցնենք, որ ավելի վաղ ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ Ֆինլանդիան և Շվեդիան կարող են հույսը դնել ՆԱՏՕ-ին արագացված ընթացակարգով անդամակցելու վրա։
ՌԴ Դաշնային խորհուրդը հայտարարել է, որ Ֆինլանդիայի հնարավոր անդամակցությունը ՆԱՏՕ-ին այդ երկրին կդարձնի ՌԴ պատասխան քայլերի թիրախ։
Տաթև Ֆռանգյան
