16.09.2026 | 22:12
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Գերմանիան և Կատարը չեն կարողանում համաձայնության գալ հեղուկ գազի մատակարարման պայմանների շուրջ
Քաղաքականություն
10.05.2022 | 18:00
Գերմանիան և Կատարը դժվարությունների են բախվում հեղուկացված բնական գազի երկարաժամկետ մատակարարումների շուրջ բանակցություններում՝ մի շարք հիմնական պայմանների շուրջ տարաձայնությունների պատճառով։ Այս մասին հայտնել է Reuters-ը՝ վկայակոչելով երեք իրազեկ աղբյուրների, փոխանցում է DW-ի ռուսական ծառայությունը:
Գործակալության տվյալներով՝ Գերմանիան, որը մտադիր է մինչև 2040 թվականը 88 տոկոսով նվազեցնել ածխաթթու գազի արտանետումները, չի ցանկանում համաձայնել Կատարի՝ առնվազն 20 տարով պայմանագրեր կնքելու պահանջներին։
Միաժամանակ, Կատարը համաձայն չէ Գերմանիայի, ինչպես նաև ամբողջ Եվրամիության ցանկության հետ, որպեսզի կարողանան ստացած հեղուկ գազը տեղափոխել այլ երկրներ։
Գերմանիան տարեկան սպառում է մոտ 100 միլիարդ խորանարդ մետր բնական գազ։ Այս ծավալի մոտավորապես 55 տոկոսը գալիս է Ռուսաստանից, մնացածը՝ Նիդեռլանդներից, Նորվեգիայից և մի շարք այլ երկրներից։ Գերմանիան աջակցել է հեղուկացված գազի երկու տերմինալների կառուցմանը և վարձակալել է չորս լողացող պահեստավորման ու վերագազիֆիկացման տանկեր:
Տաթև Ֆռանգյան
