18.03.2026 | 09:46
Արտարժույթների փոխարժեքները՝ մարտի 18-ի դրությամբ
Թուրք վերլուծաբանի անդրադարձը՝ Նիկոլ Փաշինյանի կառավարման հեռանկարին
Քաղաքականություն
01.05.2018 | 16:00
Թուրքական «Karar» պարբերականի սյունակագիր Հաքան Ալբայրաքը «Հայաստանի առջև նոր հորիզոննե՞ր են բացվում» վերնագրով հոդված է հրապարակել, որտեղ անդրադառնում է Հայաստանում տեղի ունեցած վերջին իրադարձություններին և հայ-թուրքական հարաբերություններին. փոխանցում է ermenihaber-ը:
Մասնավորապես նշում է, որ խորհրդարանական «Ելք» խմբակցության ղեկավար Նիկոլ Փաշինյանի գլխավորությամբ հնարավոր դարձավ վերջ դնել Հայաստանի Հանրապետության նախկին նախագահ և վարչապետ Սերժ Սարգսյանի 10-ամյա իշխանությանը։
Հեղինակը, ուսումնասիրելով Փաշինյանի ելույթները, նշում է.
«Իհարկե, նա չի հայտարարում Թուրքիայի և Ադրբեջանի հետ հարաբերությունների կայունացման, ինչպես նաև զավթողական քաղաքականության վերանայման մասի։ Համենայնդեպս չեմ հանդիպել նման հայտարարության։ Սակայն եթե ցանկանում են ազատվել ռուսական ազդեցությունից, ապա պիտի գնան այդ քայլին (Թուրքիայի և Ադրբեջանի հետ հարաբերությունների կարգավորում-խմբ)»։
Հեղինակի պնդմամբ, եթե Փաշինյանը վարչապետ դառնա, հնարավոր է, որ Ռուսաստանի փոխարեն ավելի մեծ տեղ հատկացվի ԱՄՆ-ին և Արևմտյան երկրներին։
Վերջում հեղինակը հույս է հայտնում, որ Փաշինյանը պետք է փորձի ելք գտնել հայ-թուրքական և հայ-ադրբեջանական հարաբերություններում ստեղծված անելանելի իրավիճակից։
