16.09.2026 | 20:51
Հեղաշրջման մեջ մեղադրվող Ալիևի աշխատակազմի նախկին ղեկավարի գործը փոխանցվել է դատարան
Զապորոժիեի ուղղությամբ ՌԴ-ն պատրաստվում է վերսկսել գրոհային գործողությունները
Քաղաքականություն
10.05.2022 | 14:10
Զապորոժիեի ուղղությամբ ՌԴ-ն պատրաստվում է վերսկսել գրոհային գործողությունները, սակայն վերջին մեկ օրվա ընթացքում ակտիվ ռազմական գործողություններ չեն իրականացվել։ Այս մասին հաղորդվում է Զապորոժիեի մարզային պետական վարչակազմի՝ Telegram-ում հրապարակված ամփոփագրում, գրում է ՈւՆԻԱՆ-ը։
Գուլյաիպոլում վերջին մեկ օրվա ընթացքում հակառակորդի գնդակոծության հետևանքով այրվել է բնակելի շենքի տանիքը, տնտեսական շենքն ու ևս մեկ չօգտագործվող տարածք։ Բացի այդ, Օրեխովոյում բնակելի շենք է բռնկվել։
Ռազմական գործողությունների հետևանքով վնասված բնակելի շենքերի թիվն անընդհատ ավելանում է։ Տեղեկությունների համաձայն՝ մարզում ամբողջությամբ ավերվել կամ մասամբ վնասվել է 819 տնտեսություն։
Ավելի վաղ հաղորդվում էր, որ Զապորոժիեի շրջանի օկուպացված տարածքներում ռուսները զտում են բնակիչներին։ Նրանք ստիպում են ձեռնարկատերերին վերագրանցվել, իսկ տեղի բնակիչներից խլում են տեղական հեռախոսային քարտերը՝ կապ ունենալու համար։
Տաթև Ֆռանգյան
